លោក Strive Masiyiwa បានក្លាយជាមហាសេដ្ឋីជនជាតិស្បែកខ្មៅដំបូងគេ ដែលមានទ្រព្យសម្បត្តិចំនួន ១,០៨៧ ពាន់លានផោន (១,៥៣៨ ពាន់លានដុល្លារ)។
បច្ចុប្បន្ន Masiyiwa មានអាយុ ៦០ឆ្នាំ និងមានកូន ៦ នាក់។ ក្រៅពីបើកក្រុមហ៊ុនទូរគមនាគមន៍ គាត់ក៏ជាសមាជិកក្រុមប្រឹក្សាភិបាលរបស់ក្រុមហ៊ុន Netflix និង Unilever ផងដែរ។ លោក Masiyiwa ក៏ជាអ្នកដំណាងពិសេសរបស់សហភាពអាហ្វ្រិកស្តីពីជំងឺរាតត្បាត Covid-19ផងដែរ។
ថ្មីៗនេះគាត់បានចុះកិច្ចសន្យាជាមួយ Johnson and Johnson ដើម្បីផលិតវ៉ាក់សាំងកូវីដ១៩ ចំនួន ៤០០ លានដូស។ បំណងប្រាថ្នារបស់លោក Masiyiwa គឺផ្តល់វ៉ាក់សាំងគ្រប់គ្រាន់សម្រាប់ប្រជាជនចំនួន ១,៣ ពាន់លាននាក់នៅទ្វីបអាហ្វ្រិកនាពេលអនាគត។
ដោយមានភាពលំបាកក្នុងវ័យកុមារភាព មហាសេដ្ឋីស្បែកខ្មៅលោក Strive Masiyiwa មានបំណងចង់ចូលរួមចំណែកក្នុងការផ្លាស់ប្តូរស្ថានភាពរាតត្បាតនៅទ្វីបអាហ្រ្វិក និងលើកទឹកចិត្តប្រជាជនឱ្យចាប់ផ្តើមអាជីវកម្មប្រកបដោយទំនុកចិត្ត៕