អាចបំផ្លាញទិន្នន័យដោយខ្លួនឯង ដោយដោយគ្រាន់តែចុចមួយគ្លីកប៉ុណ្ណោះ

បន្ទាប់ពីសម្លឹងឃើញនូវការរីចម្រើនក្នុងផ្នែកបច្ចេកវិទ្យា និងវិធីការពារទិន្នន័យដ៏ល្អ ពេលនេះ ក្រុមហ៊ុន TeamGroup របស់តៃវ៉ាន់ គឺបានបង្ហាញចេញនូវ external drive ដំបូងគេបង្អស់របស់ពិភពលោក ដែលអាចបំផ្លាញទិន្នន័យដោយខ្លួនឯងហើយ ដោយក្នុងនោះ វាគឺមានឈ្មោះថា T-Create Expert P35S ។

ពាណិជ្ជកម្ម

ក្នុងនោះ បើនិយាយពីសមត្ថភាពរបស់ external drive នេះវិញ មិនត្រឹមតែអាចបំផ្លាញទិន្នន័យដោយខ្លួនឯង ដោយគ្រាន់តែចុចមួយគ្លីកប៉ុណ្ណោះនោះទេ ប៉ុន្តែវាក៏គាំទ្រនូវ USB 3.2 ជំនាន់ទី 2 ព្រមទាំងមានល្បឿន read and write លឿនដល់ទៅ 1000 MB/s ផងដែរ ហើយវាគឺមានជម្រើសដល់ទៅ ៤ ឯណ្ណោះ រួមមាន 256GB, 512GB, 1TB និង 2TB ។ ជាមួយគ្នានេះ វាក៏មានការរចនាតូចងាយស្រួលដាក់ខ្លួនផងដែរ ពោលគឺមានទម្ងន់ត្រឹមតែ 42ក្រាមប៉ុណ្ណោះ។

គួរបញ្ជាក់ថា ដើម្បីកាត់បន្ថយហានិភ័យក្នុងការចុចដោយចៃដន្យ external drive នេះ ក៏មានបំពាក់មកនូវមុខងារ two-stage safety push-button ផងដែរ។ ក្នុងនោះ នៅពេលដែលដំណើរការ ទិន្នន័យទាំងអស់នឹងត្រូវលុបជាអចិន្ត្រៃយ៍ មិនអាចធ្វើការសង្គ្រោះបានឡើយ៕