បន្ទាប់ពីបានពឹងផ្អែកលើក្រុមហ៊ុន Qualcomm អស់រយៈពេលជាច្រើនឆ្នាំ ពេលនេះ ក្រុមហ៊ុន Samsung គឺបានត្រៀមខ្លួនរួចជាស្រេចក្នុងការប្រើប្រាស់នូវបន្ទះឈីប Exynos 2600 សម្រាប់ស្មាតហ្វូនជំនាន់ថ្មី Galaxy S26 Series របស់ខ្លួនហើយ ដោយក្នុងនោះ ក៏នឹងរួមបញ្ចូលនូវម៉ូដែល Ultra ផងដែរ។
បើនិយាយពីសមត្ថភាពរបស់បន្ទះឈីប Exynos 2600 នេះ មិនត្រឹមតែត្រូវបានផលិតនៅលើបច្ចេកវិទ្យា 2nm ដែលទំនើបបំផុតប៉ុណ្ណោះនោះទេ ប៉ុន្តែវាក៏វាមានល្បឿនដំណើរការលឿនជាងបន្ទះឈីប Apple A19 Pro ដល់ទៅ ៦ដង ក្នុងផ្នែក AI ផងដែរ។
ក្រៅពីនេះ សម្រាប់បញ្ចីត្រកូល Galaxy S26 Series វិញ ក៏អាចនឹងមានការផ្លាស់ប្តូរផងដែរ ពោលគឺលែងមានម៉ូឌែល Galaxy S26 និង Galaxy S26 Edge ទៀតហើយ ពោលគឺមានចំនួនត្រឹមតែ ៣ម៉ូឌែលប៉ុណ្ណោះ រួមមាន Galaxy S26 Pro, S26 Plus និង S26 Ultra ។ ខណៈការប្រកាសចេញវិញ នឹងប្រកាសចេញជាផ្លូវការនៅដើមឆ្នាំ២០២៦ ខាងមុខនេះ៕