ដើម្បីជាការឆ្លើយតបទៅនឹងបញ្ហាជាច្រើននៃការបំពានច្បាប់បើកបរ និងដើម្បីកាត់បន្ថយនូវបញ្ហាជាច្រើននៅលើដងផ្លូវដូចជាគ្រោះថ្នាក់ចររាចរណ៍ និងការកកស្ទះ ពេលនេះ ប្រទេសកូរ៉េខាងត្បូង បានប្រកាសដាក់ឱ្យដំណើរការនូវប្រព័ន្ធគ្រប់គ្រងចរាចរណ៍ដែលដំណើរការដោយបច្ចេកវិទ្យា AI ថ្មីរបស់ខ្លួនហើយ ដោយក្នុងនោះ ប្រព័ន្ធថ្មីនេះ គឺត្រូវបានដាក់ឲប្រើប្រាស់នៅក្នុងទីក្រុងធំៗជាច្រើន។
ក្នុងនោះ បើនិយាយពីលក្ខណៈពិសេសរបស់ប្រព័ន្ធគ្រប់គ្រងចរាចរណ៍ AI ថ្មីនេះវិញ គឺដំណើរការដោយប្រព័ន្ធកាមេរ៉ា ឧបករណ៍ចាប់សញ្ញា និងប្រព័ន្ធ GPS ដែលអាចឆ្លើយតបបានយ៉ាងឆាប់រហ័ស និងស្វ័យប្រវត្តិទៅនឹងស្ថានភាពចរាចរណ៍ ពោលគឺជាប្រព័ន្ធគ្រប់គ្រងចរាចរណ៍កម្រិតខ្ពស់ជំនាន់ចុងក្រោយ។
គួរបញ្ជាក់ថា នៅពេលដំណើរការជាក់ស្តែង ប្រព័ន្ធនេះគឺអាចបត់បែនគ្រប់ស្ថានភាពតែម្តង ពោលគឺវាអាចកែតម្រូវភ្លើងសញ្ញា និងផ្លាស់ប្តូរទិសដៅបានដោយស្វ័យប្រវត្តិ។ ជាលទ្ធផល ប្រព័ន្ធគ្រប់គ្រងចរាចរណ៍ AI ថ្មីនេះ គឺអាចកាត់បន្ថយការកកស្ទះបានដល់ទៅ ៤០% ឯណ្ណោះ ចំណែកគ្រោះថ្នាក់វិញ ក៏អាចបន្ថយបានចំនួន ៣០% ផងដែរ៕