ក្នុងនោះ សម្រាប់គម្រោងសាងសង់រោងចក្រដំបូងរបស់ចិនសម្រាប់ការផលិតកុំព្យូទ័រ photonic quantum នេះ គឺមានទីតាំងស្ថិតនៅក្នុងទីក្រុង Shenzhen ខេត្ត Guangdong ហើយវាគឺត្រូវបានដឹកនាំដោយក្រុមហ៊ុន QBoson ដែលមានលោក Wen Kai ជាស្ថាបនិក។
គួរបញ្ជាក់ថា សម្រាប់គម្រោងនេះគឺចែកចេញជា ៣ផ្នែក គឺការអភិវឌ្ឍន៍ ការផលិត និងការធ្វើតេស្ត ហើយការសាងសង់វិញគ្រោងនឹងចាប់ផ្តើមនៅចុងខែតុលានេះហើយ ហើយនៅពេលដែលរោងចក្រនេះចាប់ផ្តើមប្រតិបត្តិការពេញលេញវិញ វាគឺអាចផលិតកុំព្យូទ័រ photonic quantum រាប់សិបគ្រឿង ឯណ្ណោះ នៅក្នុងមួយឆ្នាំ។
បើនិយាយពីលក្ខណៈពិសេសរបស់កុំព្យូទ័រ photonic quantum នេះ គឺប្រើប្រាស់នូវ light particles (photons) សម្រាប់ដំណើរការទិន្នន័យ ហើយវាគឺមានអត្ថប្រយោជន៍ជាច្រើន បើប្រៀបធៀបទៅនឹងបច្ចេកវិទ្យាផ្សេងៗ ពោលគឺមិនត្រូវការសីតុណ្ហភាពទាបខ្លាំងដូចជាការប្រើ superconducting qubits ដើម្បីដំណើរការទេ៕