Geely Galaxy បានចេញផ្សាយរូបផ្លូវការរបស់រថយន្ត plug-in hybrid ថ្មីដែលមានឈ្មោះ Starshine 6 រថយន្តថ្មីនេះត្រូវបានគេរំពឹងថានឹងទាបជាង Geely Galaxy A7 ដែលបានចេញលក់ថ្មីៗនេះ ជាមួយតម្លៃចាប់ពី 12,300 ដុល្លារ ដល់ 17,190 ដុល្លារ។
រូបរាងខាងក្រៅរបស់ Geely Galaxy Starshine 6 បន្តប្រើភាសារចនាថ្មីរបស់ក្រុមហ៊ុនដែលមានឈ្មោះ “Galaxy Ripple” វាមានក្រឡាចម្រុះ ទំហំធំជារូបពហុកោណ តុបតែងដោយ Chrome និងភ្ជាប់ជាមួយក្រឡាចម្រុះ និងអំពូលភ្លើងមុខស្រួចដូចទ្រនិច។
ផ្នែកខាងក្រោយមានអំពូលភ្លើងបែប “through-type” ជាជាន់ៗ មាន spoiler នៅលើដំបូល និងខាងក្រោយពណ៌ប្រាក់ ឬខ្មៅ។ ការរៀបចំផ្សេងទៀតរួមមានកង់ទំហំ 16 អ៊ីញ និង 17 អ៊ីញ។ Geely Galaxy Starshine 6 មានទំហំងប្រវែង 4806 មម /ទទឹង 1886 មម / កម្ពស់ 1490 មម / ជាមួយនឹងគម្លាតកង់ 2756 មម។
ប្រព័ន្ធថាមពលរថយន្តនេះរំពឹងថានឹងប្រើប្រាស់ប្រព័ន្ធ Thor EM-i super hybrid ជំនាន់ថ្មីរបស់ Geely ដូចដែលប្រើនៅ Galaxy A7។ យោងតាមព័ត៌មានចុះបញ្ជីរបស់ក្រសួងឧស្សាហកម្ម និងព័ត៌មានវិទ្យាចិន (MIIT) រថយន្តនេះប្រើម៉ាស៊ីនសាំង 1.5 លីត្រ មានកម្លាំងអតិបរមា 82 kW (110 hp) និងភ្ជាប់ជាមួយថ្ម Lithium Iron Phosphate ទំហំ 8.5 kWh ឬ 17 kWh ផ្គត់ផ្គង់ដោយ CALB-Tech វាអាចផ្តល់ជួរបើកបរដោយប្រើអគ្គិសនីសុទ្ធ 50 គីឡូម៉ែត្រ និង 100 គីឡូម៉ែត្រ (តាមលក្ខខណ្ឌ WLTC)។ ល្បឿនអតិបរមា 180 km/h។
ដោយបច្ចុប្បន្ននេះ ព័ត៌មានលម្អិតអំពីម៉ាស៊ីនអគ្គិសនី និងជួរបើកបរប្រកបដោយប្រសិទ្ធភាព (comprehensive range) នៅមិនទាន់ត្រូវបានប្រកាសផ្លូវការ។
