បន្ទាប់ពីមាននូវពាក្យចចាមអារ៉ាមជាច្រើន ពេលនេះ ក្រុមហ៊ុន Apple ផ្ទាល់ បានប្រកាសចេញថ្ងៃប្រកាសចេញនូវ iPhone 17 Series របស់ខ្លួនហើយ ដោយក្នុងនោះ នឹងធ្វើឡើងនៅក្នុងថ្ងៃទី 9 ក្នុងខែកញ្ញា ខាងមុខនេះ។
ពាណិជ្ជកម្ម
ក្នុងនោះ សម្រាប់ iPhone 17 Series របស់ក្រុមហ៊ុន Apple ដែលនឹងប្រកាសចេញនៅក្នុងឆ្នាំនេះ នឹងមានចំនួន ៤ម៉ូឌែល ដូចរាល់ដងដែរ ពោលគឺមាន iPhone 17, iPhone 17 Air, iPhone 17 Pro និង iPhone 17 Pro Max ប៉ុន្តែជំនួសមកដោយ iPhone 17 Air ដែលមានស្មាតហ្វូនស្តើងជាងគេរបស់ខ្លួន ដើម្បីជំនួស iPhone 17 Plus ដែលពួកគេបានឈប់ផលិត។
គួរបញ្ជាក់ថា សម្រាប់ព្រឹត្តិការណ៍នេះនឹងប្រព្រឹត្តទៅនៅម៉ោង 10 AM PT នៅរោងមហោស្រព Steve Jobs ក្នុង Apple Park ក្នុងទីក្រុង Cupertino រដ្ឋកាលីហ្វ័រញ៉ា។
ជាសរុប សម្រាប់ការប្រកាសចេញនូវ iPhone 17 Series នៅក្នុងខែកញ្ញាខាងមុខនេះ ក៏អាចនឹងជាការអាប់ឌែតថ្មីដ៏ធំមួយចាប់តាំងពី iPhone X ផងដែរ ខណៈព័ត៌មានលម្អិត និងផ្លូវការពីលក្ខណៈពិសេសរបស់ស្មាតហ្វូនទាំងនេះមានតែរង់ចាំការប្រកាសចេញជាផ្លូវការពីខាងក្រុមហ៊ុន Apple ផ្ទាល់តែប៉ុណ្ណោះ៕