នេះហើយជារថយន្ត Mercedes-Benz ដែលយើងគ្រប់ស្គាល់ច្បាស់បំផុតនៅសព្វថ្ងៃ G-Class គឺមិនអាចច្រឡំជាមួយរថយន្តណាបានឡើយ ដោយសារតែប្រវត្តិនៃជំនាន់ដំបូង G-wagen ដែលបានផលិតយូរជាងពាក់កណ្តាលសតវត្សរ៍ បន្ទាប់មកក៏ទទួលបានការរចនាថ្មីនៅឆ្នាំ 2019 ដែលបានរក្សារូបរាងដើមដដែលរបស់វាទាំងស្រុង។ ទោះបីជាការផ្លាស់ប្តូរនោះកើតមាន ក៏ G-Class នៅតែរក្សាបានសភាពដើមនិងអត្តសញ្ញាណ ឆ្នាំនេះ G550 បានប្តូរពីម៉ាស៊ីន V8 Twin-Turbo ទៅជា ម៉ាស៊ីន 6 ស៊ីឡាំង បន្ថែម Turbo និងប្រព័ន្ធ Hybrid 48 វ៉ុល ព្រមទាំងការចេញរថយន្តអគ្គិសនីជាលើកដំបូង G580 ផងដែរ។ តែនៅកំពូលតារាង យើងនៅតែមាន Mercedes-AMG G63 ដែលរក្សាម៉ាស៊ីន V8 ពេញសមត្ថភាពដូចដើម។
បទពិសោធន៍ពិសេសៗរបស់ G63 ចាប់ផ្តើមតាំងពីពេលអ្នកចាប់កាន់ដៃទ្វារ ដូចដែលមនុស្សជាច្រើនបាននិយាយ ផ្នែក latch ទ្វារនេះ (ដែលជាផ្នែកមួយក្នុងចំណោមបច្ចេកទេសពីជំនាន់មុន) បើកបិទដោយសំឡេង ដ៏ពេញចិត្ត ពេលចូលក្នុងឡាន អារម្មណ៍នៅក្នុង G គឺមិនដូចរថយន្ត SUV ណាមួយឡើយ វាដូចអ្នកជាកម្មង់កប៉ាល់ ដោយអង្គុយនៅពីក្រោយកញ្ចក់មុខត្រង់ៗ និងមើលចុះលើផ្នែក hood (ដំបូលម៉ាស៊ីន)។ កម្ពស់ ដំបូលម៉ាស៊ីន ទាបជាង SUV ទំហំដូចគ្នាផ្សេងៗ ហើយភ្លើងបើកបិទជាសញ្ញាចុះ (turn-signal) ដែលនៅជ្រុងមុខរថយន្ត ក៏ធ្វើឱ្យងាយស្រួលក្នុងការបញ្ជា។ សម្រាប់អ្នកចូលចិត្ត off-road កាមេរ៉ាថ្មីមានមុខងារបង្ហាញផ្លូវខាងមុខ និងខាងក្រោមផ្នែកមុខរថយន្តច្បាស់ល្អ។
Mercedes-AMG G63 2025 មើលទៅរូបរាងពោពេញទៅដោយអំណាច រឹងមាំដូចដែក anvil អារម្មណ៍មិនដូច SUV ផ្សេងទៀត
ទីតាំងអង្គុយល្អ ហើយកៅអីខ្ពស់ទូលាយផ្តល់នូវផាសុខភាពល្អ Headrest មានពូកពង្រីកទន់ៗ ចំណែកឯកៅអីស្ព័រមានសម្ពាធចំហៀងបិទបើកដោយស្វ័យប្រវត្តិ ពេលបើកនៅលើផ្លូវកោង G63 មាន “Manufaktur Interior Package Plus” ($8,250) ដែលរួមមាន កៅអីម៉ាស្សា និងបំពង់ខ្យល់ត្រជាក់ កៅអីស្បែក Nappa គ្រប់ផ្នែក ទាំងក្បាលពូក microsuede និងឈើ open-pore ព្រមទាំងលោហៈស្រស់ស្អាត។
អេក្រង់កណ្តាលទំហំ 12.3 អ៊ីញ និងអេក្រង់ឧបករណ៍បញ្ជាដូចគ្នា ត្រូវបានប្រើអេក្រង់តែមួយប្រភេទភ្លោះ វាមានអេក្រង់ភ្លឺដែលអាចឆ្លុះទៅលើបង្អួចចំហៀងនៅពេលយប់។ អ្នកបើកអាចប្តូររូបរាងអេក្រង់ដោយប្រើ touchpad តូចលើប៊ូតុងបញ្ជា ឬ touchpad ធំលើកុងសូលកណ្តាល។ ប្រព័ន្ធ MBUX ថ្មីមានមុខងារច្រើន។
នៅលើ dashboard មានប៊ូតុងបិទសោ 3 ដ៏ល្បី ដែលជាឧបករណ៍សំខាន់ក្នុងការបើកលើផ្លូវលំបាក G63 នៅតែប្រើស្ព្រីងដែក (coil springs) មិនមានប្រព័ន្ធប្ដូរកម្ពស់ឡាន ដូច SUV ខ្លះទេ។ ទោះយ៉ាងណា ឆ្នាំនេះមានប្រព័ន្ធព្យួរថ្មីដែលផ្តល់អត្ថប្រយោជន៍ច្បាស់លើផ្លូវកៅស៊ូ។
ល្បឿន៖ 0-60 mph ក្នុង 3.7 វិនាទី និង ¼ mile ក្នុង 12.3 វិនាទី (111 mph) លឿនជាង G550 និង G580 EV ហើយការប្រើប្រាស់ប្រេង៖ មធ្យម 15 mpg តាម EPA (G550 = 16 mpg)។ សំឡេងម៉ាស៊ីន V8 ជាផ្នែកសំខាន់នៃអត្តសញ្ញាណ G-Wagen ស្តាប់បានទាំងខាងក្នុង និងខាងក្រៅ ដោយសារបំពង់ស៊ីមាំងរបស់វានៅចំហៀង។ នៅល្បឿន 70 mph មានសំឡេងត្រឹម 67 dB ប៉ុណ្ណោះ។
សរុបមកប្រសិនបើចង់បានបទពិសោធន៍ G-Wagen ពេញលេញ G63 គឺជាជម្រើសដ៏ត្រឹមត្រូវ មានជម្រើសពណ៌ស្តង់ដារ 12 និងពណ៌ Manufaktur 24 ព្រមទាំងការរចនាផ្ទៃក្នុងច្រើនប្រភេទ។
