នៅថ្ងៃអង្គារសប្តាហ៍ក្រោយនេះ ព្រឹត្តិការណ៍សង្ក្រានឆ្នាំថ្មីនៅក្នុងប្រទេសថៃនឹងមកដល់ ប៉ុន្តែវានឹងប្រព្រឹត្តិទៅខុសពីរាល់ដង ជាមួយនឹងការសើច និងស្នាមញញឹម ពីការមកលេងក្រុមគ្រួសារ និងមិត្តភក្តិ ជាជាងការជះទឹក,ភ្ញៀវទេសចរកកកុញ និងការដើរទិញឥវ៉ាន់ដ៏សប្បាយរីករាយដូចឆ្នាំមុនៗ។
មនុស្សជាច្រើនមិនមានគម្រោងចំណាយលុយបន្ថែមក្នុងអំឡុងពេលថ្ងៃឈប់សម្រាកខាងមុខនោះឡើយ ដោយអ្នកខ្លះគិតអំពីការកាត់បន្ថយថវិកាសម្រាប់ថ្ងៃឈប់សម្រាករបស់ពួកគេ។
ប្រជាជន ២៦,៥ ភាគរយក្នុងចំណោមមនុស្ស ១ ០០០ នាក់ ដែលត្រូវបានសម្ភាសដោយសាកលវិទ្យាល័យសភាពាណិជ្ជកម្មថៃ University of the Thai Chamber of Commerce (UTCC) បាននិយាយថា ពួកគេមានគម្រោងស្នាក់នៅផ្ទះ។
ជាមួយគ្នានេះ UTCC រំពឹងថា សង្ក្រានឆ្នាំថ្មីមិនសូវមានភាពរីករាយទេ ប៉ុន្តែអ្នកដឹកនាំអាជីវកម្ម និងអាជ្ញាធរទេសចរណ៍របស់រដ្ឋ បាននិយាយថា ការប្រារព្ធពិធីបុណ្យនេះដោយមានគោលការណ៍សុខភាពដើម្បីការពារការរីករាលដាលនៃជំងឺកូវីដ១៩ គឺប្រសើរជាងអ្វីទាំងអស់។
យ៉ាងណាមិញ សហព័ន្ធឧស្សាហកម្មថៃ (FTI) នៅតែមានសុទិដ្ឋិនិយមអំពីសកម្មភាពតិចតួចនៅក្នុងសង្ក្រានឆ្នាំថ្មីឆ្នាំនេះ ដោយជឿថា វាអាចជំរុញឲ្យប្រជាជនចំណាយលុយកាន់តែច្រើន៕
