ក្រោមការរឹតបន្តឹងពីសហរដ្ឋអាមេរិកលើការនាំចេញបច្ចេកវិទ្យាឈីបទៅប្រទេសចិន ក្រុមហ៊ុន Nvidia បានប្រកាសចេញមុខសម្រេចផលិតបន្ទះឈីប AI ថ្មីមួយរបស់ខ្លួនដែលមានតម្លៃសមរម្យ និងអាចប្រើបាននៅក្នុងទីផ្សារចិន ហើយការផលិតទ្រង់ទ្រាយធំត្រូវបានគេរំពឹងថានឹងចាប់ផ្តើមនៅដើមខែមិថុនាខាងមុខនេះ។
ពាណិជ្ជកម្ម
បន្ទះឈីបថ្មីនេះ ត្រូវបានគេរំពឹងថានឹងមានឈ្មោះថា 6000D ឬ B40 ដែលអភិវឌ្ឍលើស្ថាបត្យកម្ម Blackwell ប៉ុន្តែត្រូវបានកាត់បន្ថយលក្ខណៈពិសេសខ្លះៗ ដើម្បីអនុលោមតាមច្បាប់កំណត់របស់សហរដ្ឋអាមេរិក។ ក្នុងនោះ វាត្រូវបានអះអាងថា នឹងប្រើប្រាស់នូវអង្គចងចាំ GDDR7 ជំនួសឲអង្គចងចាំដែលមានល្បឿនខ្ពស់ជាង និងបច្ចេកវិជ្ជាវេចខ្ចប់ CoWoS របស់ក្រុមហ៊ុនតៃវ៉ាន់ TSMC ។
សម្រាប់តម្លៃរបស់ឈីបនេះវិញ អាចនឹងស្ថិតនៅចន្លោះពី $6,500 ទៅ $8,000 តែប៉ុណ្ណោះ ដែលថោកជាងម៉ូដែល H20 ដែលមានតម្លៃចាប់ពី $10,000 ដល់ $12,000 ៕