ប្រសិនបើបងប្អូនបានដឹងប្រាកដជាដឹងហើយថា នៅពេលដែលយើងទិញទូរស័ព្ទថ្មីមកប្រើ ក្រុមហ៊ុនតែងតែផ្តល់ជូននូវខ្សែសាក ឬដុំសាកមួយគូរដែល Support គ្នានឹងម៉ាកទូរស័ព្ទជូនយើងនៅក្នុងប្រអប់ ប៉ុន្តែនៅពេលដែលប្រើយូរទៅ ហើយមានខ្សែសាក ឬក៏ដុំសាកមួយខូច នោះយើងនឹងទៅហាងដែលលក់នូវ Accessories ទាំងនេះ ដើម្បីទិញថ្មី ប៉ុន្តែនៅពេលដែលទិញយកប្រើជាក់ស្តែងគឺវាមិនដំណើរការបានល្អដូចនឹងរបស់ហ្សីនដែលក្រុមហ៊ុនបានផ្តល់ជូនយើងនោះទេ ពោលគឺវាតែងតែមានបញ្ហាប្រឈមមួយចំនួនជាដើម តួយ៉ាងដូចជាការសាកមិនចូល ឫមិនឡើងថ្មជាដើម លើសពីក៏អាចធ្វើទូរស័ព្ទយើងអាចខូចថែមទៀតផង។
ក្នុងនោះ ដើម្បីដោះស្រាយបញ្ហានេះ ក្រុមហ៊ុនផលិតទូរស័ព្ទចិនចំនួន ៤ រួមមាន Huawei, Honor, Oppo និង Vivo បានសហការគ្នាបង្កើតចេញជាស្តង់ដារសាកថ្មរួមមួយមានឈ្មោះថា UFCS 2.0 ។
ចំពោះ UFCS 2.0 ថ្មីនេះ គឺមានចំណុចពិសេសមួយចំនួនដែលខុសពីស្តង់ដារសាកថ្មរួមធម្មតា ពោលគឺវាគាំទ្រនូវការសាកថ្មល្បោះនលឿនកម្លាំងដល់ទៅ 40W ឯណ្ណោះ ដោយមិនគិតពីម៉ាកអាដាប់ធ័រ ឬខ្សែនោះឡើយ ហើយថែមទាំងគាំទ្រនូវមុខងារសាកថ្មបញ្ច្រាស (reverse charging) និងអាចកែតម្រូវថាមពលសាកដោយស្វ័យប្រវត្តិឲ្យសមស្របទៅនឹងឧបករណ៍ផ្សេងៗបានទៀតផង៕