Range Rover Sport Plug-In Hybrid ឆ្នាំ 2025 មានទំហំតូចល្មម និងងាយស្រួលបើប្រើប្រាស់ វាជារថយន្ត SUV ដែលស្ថិតនៅចំណុចកណ្ដាលនៃ SUV ដែលជាផលិតផលរបស់ Land Rover។ Range Rover Sport 2025 ជារថយន្ត (SUV) ប្រណិតសម្រាប់អ្នកដែលចង់បានទាំងសមត្ថភាពបើកផ្លូវ (off-road), និងការប្រើប្រាស់ប្រចាំថ្ងៃ ទម្រង់រចនាដ៏ស្រស់ស្អាត និងបច្ចេកវិទ្យាទំនើប វាគឺជាជម្រើសសមរម្យសម្រាប់អ្នកដែលចង់បានភាពប្រណិត ដោយមិនចង់បានរថយន្តធំ។
សម្រាប់ម៉ាស៊ីនរបស់វាក៏មិនធម្មតាដែរ ដែលមានរហូតដល់ទៅ 4ជម្រើសសម្រាប់បងប្អូនអ្នកប្រើប្រាស់ ម៉ូដែល P360 SE មានម៉ាស៊ីន 3.0L I6 turbo + Mild Hybrid ផលិតកម្លាំងបាន កម្លាំង: 355 hp កម្លាំងរមួល 500 Nm ល្បឿនសន្ទុះពី 0-100Km ចាយពេល 5.7 វិនាទី។ ម៉ូដែល P400 Dynamic SE មានម៉ាស៊ីនដូច P360 ប៉ុន្តែខ្លាំងជាងដោយផលិតកម្លាំងបាន 395 hp កម្លាំងរមួល 550 Nm ល្បឿនសន្ទុះពី 0-100Km ចាយពេល 5.2 វិនាទី។
ម៉ូដែល P530 មានម៉ាស៊ីន 4.4L V8 twin-turbo ផលិតកម្លាំងបាន 523 hp កម្លាំងរមួល 750 Nm ល្បឿនសន្ទុះពី 0-100Km ចាយពេល 4.3 វិនាទី។ ម៉ូដែល P550e Plug-in Hybrid (Reviewed separately) ផលិតកម្លាំងបាន 542 hp កម្លាំងរមួល 800 Nm ល្បឿនសន្ទុះពី 0-100Km ចាយពេល 4.3 វិនាទី ដោយវាក៏ភ្ចាប់មកជាមួយអាគុយ 31.8 kWh ប្រភេទថ្ម lithium-ion battery pack វាក៏ច្រើនជាងអាគុយរថយន្ត PHEV ទូទៅ ដើម្បីគាំទ្រចម្ងាយ 82 km ដោយអគ្គិសនីសុទ្ធសម្រាប់ការសាកអគុយ AC Charging (Level 2) វាចាយពេល 5–6 ម៉ោង ដើម្បីសាកពេញ ហើយសម្រាប់ DC Fast Charging អាចសាកពី 0–80% ក្នុងពេល 1 ម៉ោង អាគុយ 31.8 kWh មានទំហំធំសម្រាប់ PHEV, ជួយឲ្យ P550e បើកបរដោយអគ្គិសនីសុទ្ធបានចម្ងាយជាងគូប្រកួតដូចជា BMW X5 xDrive50e ឬ Porsche Cayenne e-Hybrid។
ចឹងមួយទៀតបងប្អូនប្រហែលជាចង់ដឹងហើយថាសម្រាប់ការស៊ីសាំងរបស់វាយ៉ាងណាដែរក្នុងចម្ងាយដី 100km មិនថាក្នុងក្រុងឬក្រៅក្រុង ចឹងសម្រាប់ម៉ូដែល P360 / P400: ក្នុងទីក្រុងវាស៊ី 11.8 L/100km ហើយសម្រាប់ផ្លូវលាតឬក៏រត់ទៅតាមខេត្តវាស៊ី 9.4 L/100km ម៉ូដែល P530 V8: ក្នុងទីក្រុងវាស៊ី 12.4 L/100km ហើយសម្រាប់ផ្លូវលាតឬក៏រត់ទៅតាមខេត្តវាស៊ី 10.2 L/100km សម្រាប់P360 ជាកូនខ្លាឃ្មុំដែលមានរូបរាងសមរម្យ, ហើយក៏ស៊ីតិចដែរដោយស៊ីត្រឹមតែ 9.4 L/100km ក្នុងតេស្តជាក់ស្តែងហើយក៏ជាលទ្ធផលល្អសម្រាប់រថយន្តដែកមានទំងន់ 2,444 គីឡូក្រាម។
Range Rover Sport Plug-In Hybrid ឆ្នាំ 2025 ក៏បានប្រើប្រាស់ប្រព័ន្ធប្រអប់លេខ 8វគ្គអូតូ ដែលភ្ចាប់មកជាមួយប្រព័ន្ធ All-wheel drive (AWD) ជាស្តង់ដារ ប៊ូមខ្យល់ Air suspension អាចលើកឡើង/ចុះបានដើម្បីតម្រូវតាមស្ថានភាពផ្លូវ ជម្រើស Stormer Handling Pack មាន rear-wheel steering និង torque vectoring ផ្តល់នូវការគ្រប់គ្រងបានល្អពេលបើកបរល្បឿនលឿន។
ការរចនាបទ និងភាពឆ្លាតវៃខាងក្នុងដោយខាងក្នុងមានបែបផែនជា Luxury + Technology ក្នុងការរចនាបទ minimal ដោយមានប៊ូតុងតិច មានជម្រើសស្បែក អេក្រង់ Touchscreen 13.1 អ៊ីញ + អេក្រង់បង្ហាញព័ត៌មានរថយន្ត 13.7 អ៊ីញ Pivi Pro infotainment + Wireless Apple CarPlay / Android Auto Amazon Alexa ក៏មានជាមួយនិងសាកថ្មទូរស័ព្ទឥតខ្សែ
កៅអីអាចកែសម្រួលបាន 22 របៀប + ម៉ាស្សា + ក្តៅ/ត្រជាក់ មានប្រព័ន្ធបន្សុតខ្យល់ ក្នុងរថយន្តការពារ វីរុស និងក្លិនពីខាងក្រៅចូលមកខាងក្នុង ចម្រាប់ speakerMeridian 29 គ្រាប់ មានបង្កប់ក្នុងកៅអីផងដែរ។ សុវត្ថិភាពក៏មានមកជាមួយ Auto Emergency Braking (AEB) Lane-Keeping Assist, Adaptive Cruise Control, Camera 360-degree, Driver attention monitoring។
សម្រាប់តម្លៃមានទៅតាមជម្រើសនិងម៉ូដែលដោយម៉ូដែល P360 SE មានតម្លៃ $81,325 ម៉ូដែល P400 Dynamic SE មានតម្លៃ $90,000 ម៉ូដែល P530 Dynamic SE មានតម្លៃ $115,000 ម៉ូដែល P530 Autobiography មានតម្លៃ $125,025 និងម៉ូដែល P550e Plug-in Hybrid $141,800។
