បន្ទាប់ពីការប្រកាសចេញនូវវ៉ែនតាឆ្លាតវៃ Apple Vision Pro ជំនាន់ដំបូងរបស់ខ្លួន ក្រុមហ៊ុន Apple បានទទួលនូវការរិះគន់ជាខ្លាំងចំពោះគុណវិបត្តិជាច្រើនពីសំណាកក់អ្នកប្រើប្រាស់។ ក្នុងចំណោមបញ្ហានេះ គេរំពឹងថា Vision Pro ជំនាន់ទី 2 នឹងរួមបញ្ចូលនូវការកែលម្អជាច្រើន ដើម្បីបញ្ចប់បញ្ហាទាំងនេះ។
គួរឲដឹងថា គុណវិបត្តិដ៏ធំបំផុតរបស់វ៉ែនតា Vision Pro គឺមានទំងន់ខ្ពស់ និងតម្លៃថ្លៃ។ ក្នុងនោះ ដើម្បីដោះស្រាយបញ្ហានេះ ក្រុមហ៊ុន Apple ត្រូវបានគេរាយការណ៍ថា នឹងរួមបញ្ចូលនូវវត្ថុធាតុដើម និងសារធាតុថ្មីទៅក្នុងការរចនាវែនតាឆ្លាតវៃ Vision Pro ជំនាន់ទី 2 របស់ខ្លួនដើម្បីកាន់បន្ថយទំងន់ និងតម្លៃ។ បើយោងតាមលោក Tugster Kosutami បានបញ្ជាក់ថា Apple នឹងប្រើប្រាស់នូវសារធាតុទីតានីញ៉ូមក្នុងការរចនាផ្នែកខាងក្នុងរបស់ Vision Pro ជំនាន់ថ្មីរបស់ខ្លួន ព្រោះទីតានីញ៉ូមគឺជាវត្ថុធាតុស្រាល ដែលមានភាពរឹងមាំ និងធន់នឹងភាពច្រេះ ខណៈពេលដែលផ្នែកខាងក្រៅនឹងនៅតែប្រើប្រាស់នូវសារធាតុអាលុយមីញ៉ូមដដែល ដែលដូចគ្នានឹង iPhone 5 ។
បន្ថែមពីនេះ កាសែត X Post ក៏បានរាយការណ៍ផងដែរថា Vision Pro ជំនាន់ថ្មីអាចនឹងមានការផ្លាស់ប្តូរឈ្មោះជាផ្លូវការ ពោលគឺ Apple នឹងមិនប្រើឈ្មោះ “Vision Pro 2” ទៀតនោះទេ តែអាចប្តូរទៅជា “Vision”, “Sight” ឬ “AirSight” វិញ ដែលបង្ហាញពីគំនិតថ្មីនៃការរចនារបស់ពួកគេ៕