កំណែបន្ថែមថ្មីរបស់ Hyundai Ioniq 5 សម្រាប់ឆ្នាំ 2025 មានការផ្លាស់ប្តូរធំៗដែលអ្នកប្រើប្រាស់ចង់បាន មានការកែប្រែការរចនាថ្មីនៅផ្នែកខាងមុខនិងក្រោយ រួមទាំងរចនាសំបកកង់ថ្មី ប្រព័ន្ធ Infotainment បានធ្វើឲ្យប្រសើរឡើងជាមួយនឹងការភ្ជាប់ជាមួយ Apple CarPlay និង Android Auto ដោយឥតខ្សែ។
ថ្មមានកម្រិតកាន់តែធំ និងចម្ងាយបើកបរបានកាន់តែច្រើនសម្រាប់ថ្ម Standard Range បានធ្វើឲ្យធំជាងឆ្នាំមុនពី 58.0 kWh ទៅ 63.0 kWh កម្លាំងម៉ូទ័រ: 168 សេះ (125 គីឡូវ៉ាត់) ខណៈថ្ម Long Range ធំជាងឆ្នាំមុនពី 77.4 kWh ទៅ 84.0 kWh កម្លាំងម៉ូទ័រ: 225 សេះ (168 គីឡូវ៉ាត់) ។ ចម្ងាយបើកបរគ្រប់ម៉ូឌែលក៏បានកើនឡើងផងដែរ។ ពិសេសម៉ូដែល AWD (Dual Motor) របស់ SE និង SEL ពេលនេះអាចបើកបានរហូតដល់ 467 គីឡូម៉ែត្រ ក្នុងការធ្វើដំណើរតែមួយ—បន្ថែមចំនួន 48 គីឡូម៉ែត្រ និងកម្លាំងម៉ូទ័រ: 320 សេះ (239 គីឡូវ៉ាត់) បើប្រៀបធៀបនឹងម៉ូដែលឆ្នាំ 2024។ ចំពោះម៉ូដែលដែលមានចម្ងាយបើកបានឆ្ងាយបំផុតគឺ RWD (Rear Wheel Drive) ជាមួយថ្ម Long Range ដោយអាចទៅបានដល់ 512 គីឡូម៉ែត្រ ក្នុងការសាកថ្មមួយពេញ។
អ្វីដែលថ្មីៗទៀតនោះគឺប្រព័ន្ធសាកថ្ម NACS ត្រូវបានរួមបញ្ចូលជាផ្នែកស្តង់ដារ។ Hyundai Ioniq 5 ឆ្នាំ 2025 ជារថយន្ត EV ដំបូងរបស់ Hyundai ដែលមានផ្នែកសាកតាមស្តង់ដារ Tesla ហើយគ្រប់ម៉ូឌែលនឹងមានជាមួយ អាដាប់ទ័រ CCS ដើម្បីសាកនៅស្ថានីយ៍ដែលមិនមែន Tesla ការរចនាខាងក្នុងដ៏ទាក់ទាញ និងផ្ទុកបច្ចេកវិទ្យាខ្ពស់ អាចសាកថ្មពី 10%-90% ត្រូវការពេលត្រឹមតែ 30 នាទី នៅស្ថានីយ៍ Electrify America 350-kW ។
ហើយបើក្រលែកមកមើលម៉ូឌែលថ្មី Ioniq 5 XRT — ប្រើសម្រាប់ផ្លូវខ្សាច់វាមានកម្ពស់ឡើង 0.9 អ៊ីញ សំបកកង់ All-Terrain 18-អ៊ីញ ខាងមុខនិងខាងក្រោយមានរចនាកាងជាពិសេសជាមួយការរចនាព័ណ៌ខ្មៅ កាងសង្រ្គោះពណ៌ក្រហម (Recovery Hooks) ម៉ូដបើកបរមាន3 Snow, Mud, Sand
Hyundai កំពុងគ្រប់គ្រងជួរម៉ូឌែលរបស់ខ្លួន — ចាប់ពីម៉ូឌែល SE តម្លៃសមរម្យ រហូតដល់ Limited និងម៉ូឌែល adventure XRT។ ការកែលម្អទាំងនេះនៅលើម៉ូឌែលឆ្នាំ 2025 បង្ហាញថា Hyundai កំពុងស្ថិតនៅលើមូលដ្ឋានរឹងមាំ និងរំពឹងថា Ioniq 5 នឹងនៅតែសមរម្យនិងប្រកួតប្រជែងបាននៅក្នុងទីផ្សារ EV ទៅមុខនេះ។
