ក្រុមហ៊ុន Aston Martin កំពុងសាកល្បងរថយន្ត Valhalla supercar ថ្មីរបស់ខ្លួនទាំងនៅលើផ្លូវក្នុងប្រទេសអង់គ្លេស និងលើទីលានសាកល្បងនៅប្រទេសអេស្ប៉ាញ។ ការផលិតនឹងចាប់ផ្តើមនៅត្រីមាសទី 2 នៃឆ្នាំនេះ ហើយមានគ្រោងផលិតតែចំនួន 999 គ្រឿងប៉ុណ្ណោះ។រថយន្ត Valhalla ប្រើម៉ាស៊ីន V8 twin-turbo ផ្គុំជាមួយម៉ូទ័រអគ្គិសនីចំនួន 3 ដែលបង្កើតថាមពលសរុបបានដល់ទៅ 1064 សេះ និងកមលាំងរមួល 1,100 ន្យូតុងម៉ែត្រ (Nm)។
Aston Martin បានបង្ហាញម៉ូដែល Valhalla ជារូបរាងផ្លូវការជាចុងក្រោយនៅខែធ្នូឆ្នាំមុន បន្ទាប់ពីពន្យាពេលរយៈពេល 2 ឆ្នាំ និងធ្វើការកែប្រែយ៉ាងច្រើនពីគម្រោងដើមនៅឆ្នាំ 2019។ ឥឡូវនេះ ក្រុមហ៊ុនបានឈានដល់ជំហានជិតចុងក្រោយហើយ ដោយបង្ហាញការសាកល្បងរថយន្តនេះលើផ្លូវជាមួយនឹងរូបភាពថ្មីៗ។ ការសាកល្បងជាផ្លូវការនេះបានធ្វើឡើងនៅផ្លូវក្នុងប្រទេសអង់គ្លេស និងលើទីលាន IDIADA ជិតទីក្រុង Barcelona ប្រទេសអេស្ប៉ាញ។ រថយន្តនេះមានលក្ខណៈរចនាដ៏គួរឱ្យចាប់អារម្មណ៍ជាមួយពណ៌បៃតងជាពិសេស ដូចជា Podium Green ជាមួយបន្ទះពណ៌ Lime Green និងពណ៌ Verdant Jade ប្រកបដោយ accents ពណ៌មាស Valkyrie Gold។
ជាមួយនឹងវិស្វកររបស់ Aston Martin មានដាក់ឱ្យអ្នកបើកបរដែលឈ្នះពាន Le Mans 3 ដង គឺលោក Darren Turner ធ្វើការបញ្ចូលជាអ្នកអភិវឌ្ឍន៍ នឹងការសាកល្បងផ្តោតលើការបញ្ជារថយន្ត (steering) វិទ្យាសាស្ត្ររចនាផ្នែកជ្រែកខ្យល់ (active aerodynamics) ប្រសិទ្ធភាពហ្រ្វាំងក្នុងលក្ខខណ្ឌសីតុណ្ហភាពខ្តៅខ្លាំង។ Valhalla ជាជំហានធំមួយសម្រាប់ Aston Martin។ បើទោះបីជាពួកគេបានផលិតរថយន្ត hypercar ឈ្មោះ Valkyrie ចំនួន 275 គ្រឿងកន្លងមក Valhalla ជារថយន្ត mid-engined series production ជាលើកដំបូង (បើទោះបីមានតែ 999 គ្រឿង) និងជាម៉ូដែល Plug-in Hybrid ដំបូងរបស់ក្រុមហ៊ុនផងដែរ។ Aston Martin Valhalla ថ្មី គឺជារថយន្ត Hybrid ដែលមានប្រព័ន្ធបើកបរ (All-Wheel Drive) ដោយបំពាក់ម៉ាស៊ីន V8 Twin-Turbocharged ទំហំ 4.0 លីត្រពីក្រុមហ៊ុន Mercedes-AMG និងបន្ថែមម៉ូទ័រអគ្គិសនីចំនួន 3 គ្រឿង ម៉ូទ័រអគ្គិសនីពីរគ្រឿងស្ថិតនៅលើស្ពឺមុខ ហើយមួយទៀតបញ្ចូលនៅក្នុងប្រអប់លេខនៅស្ពឺខាងក្រោយ។ កម្លាំងសរុបនៃរថយន្តនេះគឺ 1,064 សេះ និងកម្លាំងទាញ 1,100 ន្យូតុងម៉ែត្រ (Nm)។ កម្លាំងត្រូវបានបញ្ជូនទៅគ្រប់កង់តាមប្រអប់លេខ Dual-Clutch 8 វគ្គ ដែលអាចបញ្ចេញល្បឿនពី 0 ដល់ 100 គីឡូម៉ែត្រក្នុងរយៈពេល 2.5 វិនាទី និងអាចឈានដល់ល្បឿនអតិបរមា 350 គីឡូម៉ែត្រ/ម៉ោង។
រថយន្តមានបំពាក់ដោយ Front Splitter ចល័ត និង ស្លាបក្រោយ (Wing) ដោះចេញបាន ដែលអាចប្ដូរមុំក្នុងការប្រជ្រែកខ្យល់ ចាក៏អាចដំណើរការជា “air brake” នៅពេលដែលល្បឿនឡើងដល់ 240 km/h។ ស្លាបដែលបានបញ្ចេញមកនៅផ្នែកខាងក្រោយជា Aerodynamic ធ្វើអោយរថយន្តបង្កើតកម្លាំងសង្កត់ចុះ (Downforce) រហូតដល់ 600 គីឡូក្រាម សម្រាប់តួររបស់រថយន្តនេះផលិតពី Carbon Fiber ដើម្បីបង្កើនភាពរឹងមាំ និងបន្ថយទំងន់ឱ្យបានខ្ពស់បំផុតដែលទំងន់សរុបរបស់ Valhalla គឺតែ 1,655 គីឡូក្រាម ប៉ុណ្ណោះ។
សម្រាប់តម្លៃមួយគ្រឿងតែ ១លានទេហើយក៏ផលិតតែ 999គ្រឿងទេលឿនឡើងបងប្អូនប្រយ័ត្នអស់ពីស្តុក។
