យោងតាមសារព៌ត័មានប្រចាំប្រទេសចិនបានឲដឹងថា ស្មាតហ្វូនខ្នាតកំពូលរបស់ក្រុមហ៊ុន vivo គឺ vivo X200 Ultra នឹងប្រកាសចេញនៅក្នុងប្រទេសចិនក្នុងខែមេសាខាងមុខនេះ។
ក្នុងនោះ ស្មាតហ្វូនសេរ៊ីថ្មីនេះ នឹងមិនប្រើប្រាស់នូវឈីប MediaTek Dimensity 9400 ដូច vivo X200 Pro នោះឡើយ គឺវាត្រូវបានអះអាងថា នឹងភ្ជាប់មកជាមួយនឹងឈីបដែលមានសមត្ថភាពខ្លាំងបំផុតរបស់ក្រុមហ៊ុន Qualcomm គឺ Snapdragon 8 Elite ចេញពីប្រអប់ ជាមួយនឹង OriginOS សម្រាប់ទីផ្សារប្រទេសចិន និង FunTouch OS សម្រាប់ទីផ្សារសកល។
ចំពោះផ្នែកកាមេរ៉ាវិញ តាមការបញ្ជាក់របស់ Digital Chat Station បាននិយាយថា ទូរសព្ទនេះអាចនឹងប្រើសេនស័រកាមេរ៉ាតេឡេហ្វូតូរបស់ Samsung គឺ ISOCELL HP9 ដែលមានទំហំ 85mm ដូច Vivo X200 Pro ដែរ។ ខណៈកាមេរ៉ាគោល និងលេន ultrawide នឹងប្រើសេនស័រ Sony LYT-818 ។
គួរបញ្ជាក់ផងដែរថា សម្រាប់ផ្នែកអេក្រង់របស់ស្មាតហ្វូនសេរ៊ីថ្មីនេះ នឹងមានទំហំធំ និងគែមស្តើងជាងជំនាន់ vivo 100 Ultra ខណៈតម្លៃវិញអាចនឹងស្ថិតនៅចន្លោះ X200 Pro និង X Fold 3 Pro ៕