នៅក្នុងសេចក្ដីជូនដំណឹងមួយកាលពីថ្ងៃព្រហស្បតិ៍ ទី១៨ មីនា ធនាគារសិង្ហបុរី OCBC បាននិយាយថា ខ្លួននឹងបើកឲ្យប្រើប្រាស់មុខងារស្កេនមុខ ចំពោះប្រតិបត្តិការធនាគារផ្សេងៗ នៅតាមម៉ាស៊ីន ATM របស់ខ្លួន។
ការដាក់ឲ្យប្រើមុខងារស្កេនផ្ទៃមុខសម្រាប់សេវាកម្ម ATM នេះ នឹងចាប់ផ្តើមដំបូង លើប្រតិបត្តិការ “សួរតុល្យភាពគណនី” នៅតាមម៉ាស៊ីន ATM ចំនួន ៨ របស់ធនាគារ OCBC ខាងលើ។
ក្នុងនោះដែរ OCBC បាននិយាយថា ខ្លួននឹងពង្រីកការដាក់ឲ្យប្រើមុខងារស្កេនមុខនេះ លើប្រតិបត្តិការ “ដកសាច់ប្រាក់” ទៅលើគ្រប់ម៉ាស៊ីន ATM ចំនួន ៥៥០ គ្រឿងរបស់ខ្លួននៅក្នុងប្រទេសសិង្ហបុរី ជាបន្តបន្ទាប់ចាប់ពីខែមិថុនា។
មិនតែប៉ុណ្ណោះ ធនាគារខាងលើក៏មានគម្រោងធ្វើដូចគ្នាសម្រាប់ប្រតិបត្តិការ ATM ផ្សេងទៀត រួមមាន ប្រាក់បញ្ញើជាសាច់ប្រាក់ ផ្ទេរប្រាក់ទៅធនាគារផ្សេងទៀត ការបញ្ចូលទឹកប្រាក់ក្នុងកាត និងការទូទាត់វិក្កយបត្រប័ណ្ណឥណទាន ចាប់ពីឆ្នាំក្រោយទៅ៕