ការទប់ស្កាត់ដ៏មានប្រសិទ្ធិភាពចំពោះជំងឺកូវីដ១៩ បានធ្វើឲ្យប្រទេសវៀតណាមក្លាយជាទីផ្សារអាកាសចរណ៍ធំជាងគេទី ១០ ជាមួយនឹងការកើនឡើង ១២ ភាគរយ នៃចំនួនកៅអីយន្តហោះក្នុងស្រុក។
ពាណិជ្ជកម្ម
យោងតាមទិន្នន័យដែលត្រូវបានចេញផ្សាយកាលពីថ្ងៃអង្គារ ដោយក្រុមហ៊ុនវិភាគអាកាសចរណ៍អង់គ្លេស OAG បានឲ្យដឹងថា ប្រទេសវៀតណាមបានចុះបញ្ជីកន្លែងអង្គុយ ចំនួន ១១៧ ០០០ កន្លែងបន្ថែមទៀត នៅចន្លោះថ្ងៃទី ៨ ដល់ ១៥ ខែមីនា ដោយបង្កើនសមត្ថភាពសរុបរបស់ខ្លួនដល់ ១,០៧ លានកន្លែង។
បើទោះបីជាមានកំណើនគួរឲ្យចាប់អារម្មណ៍ក៏ដោយ តួលេខនេះនៅតែធ្លាក់ចុះ ៣១,៤ ភាគរយ បើធៀបនឹងកម្រិតនៅមុនពេលមានជំងឺរាតត្បាត ក្នុងខែមករាឆ្នាំ ២០២០។
គួរឲ្យដឹងថា ប្រទេសចិននៅតែជាទីផ្សារអាកាសចរណ៍ធំបំផុតរបស់ពិភពលោក ដែលមានកៅអីអង្គុយ ជាង ១៦ លានកន្លែង បន្ទាប់មកគឺសហរដ្ឋអាមេរិក និងឥណ្ឌា តាមពីក្រោយដោយឥណ្ឌូណេស៊ី និងជប៉ុន៕