យោងតាមរយៈវីដេអូដែលបង្ហាញដោយលោក Jon Prosser របស់ Front Page Tech បានបង្ហាញពីការរចនាថ្មីរបស់ iPhone 17 Air ដែលជាស្មាតហ្វូនស៊េរីថ្មីមួយក្នុង iPhone 17 Series ដែល Apple គ្រោងបង្ហាញនៅក្នុងឆ្នាំ 2025 នេះ។
ក្នុងនោះ ម៉ូដែលថ្មីនេះ នឹងជំនួសម៉ូដែល iPhone 17 Plus ហើយមានការរចនាថ្មីៗ និងជា iPhone ស្តើងបំផុត ដែលមានកម្រាស់ត្រឹមតែ 5.5mm ទៅ 6mm ប៉ុណ្ណោះ។ ទៅលើនៅផ្នែកកាមេរ៉ា អាចនឹងមានកាមេរ៉ាទំហំ 48MP តែមួយប៉ុណ្ណោះ ខណៈនេះក៏អាចការរចនាថ្មីផងដែរ ដែលការរចនានេះគឺនឹងស្រដៀងទៅនឹងទូរស័ព្ទ Pixel របស់ Google។
ជាមួយគ្នានេះ iPhone 17 Air នឹងបន្តការប្រើ Dynamic Island ដដែល ប៉ុន្តែនឹងដំណើរការដោយឈីប A19 វិញ ដែលជាឈីបថ្មីរបស់ Apple ដែលនឹងមានបច្ចេកវិទ្យាដែលមានសមត្ថភាពខ្ពស់ខ្លាំងទៅលើផ្នែក AI ។ គួរឲដឹងថា iPhone 17 Air របស់ Apple ត្រូវបានរំពឹងថានឹងប្រកាសចេញនៅខែកញ្ញា ជាតម្លៃចាប់ពី ១ ២៩៩ដុល្លារ៕