ក្រុមហ៊ុន Vivo នឹងដាក់បង្ហាញចេញនូវស្មាតហ្វូន Vivo V50 នៅប្រទេសឥណ្ឌានៅថ្ងៃទី 18 ខែកុម្ភៈ។ ក្នុងនោះ មុនពេលប្រកាសចេញលក់ស្មាតហ្វូនមួយនេះ, ក្រុមហ៊ុន Vivo ក៏បានដាក់បង្ហាញចេញនូវ Teaser របស់ស្មាតហ្វូន Vivo T4x 5G ដែលជាស៊េរី T ដំបូងសម្រាប់ឆ្នាំ ២០២៥ របស់ពួកគេផងដែរ។
បើយោងតាម Microsite ផ្លូវការនៅលើ Flipkart បានបង្ហាញថា Vivo T4x នឹងមកដល់ក្នុងពេលឆាប់ៗខាងមុខនេះ ហើយអាចនឹងចេញជាផ្លូវការមុនដំណាច់ខែនេះ ដោយនឹងចាប់ផ្តើមដាក់លក់នៅថ្ងៃទី 20 ខែកុម្ភៈ ជាមួយក្រោម ₹15,000 (ប្រហែល ១៨០ ដុល្លារ) នៅក្នុងទីផ្សារប្រទេសឥណ្ឌា។
បើតាម Teaser និងព័ត៌មានដែលលេចធ្លាយ Vivo T4x 5G នឹងមានថ្មធំដល់ 6,500mAh ដែលធំបំផុតនៅក្នុងលំហូតម្លៃរបស់ស្មាតហ្វូនបច្ចុប្បន្ន។
ជាមួយគ្នានេះ Vivo T4x អាចនឹងបំពាក់ដោយ Dimensity 7300 ដែលជាឈីបជំនាន់ថ្មី ប៉ុន្តែមិនប្រើត្រកូល Snapdragon 6 Gen 1 ដូច Vivo T3x ឆ្នាំមុនទៀតនោះទេ។ លើសពីនេះ T4x នឹងមាន Dynamic Light LED ដូច Vivo Y58 ជាមួយនឹងជម្រើសពណ៌ Pronto Purple និង Marine Blue ។
បើប្រៀបធៀបទៅនឹង Vivo T3x 5G, Vivo T4x 5G អាចនឹងទទួលបានអេក្រង់ IPS LCD ទំហំ 6.72 អ៊ីញ 120Hz កម្រិត FHD+ (1000 nits) រត់លើ Android 14 (Funtouch OS 14) មានកាមេរ៉ាភ្លោះ 50MP + 2MP ខាងក្រោយ និងកាមេរ៉ាខាងមុខ 8MP និងម៉ាសុីនស្កេនក្រយៅដៃនៅផ្នែកចំហៀង និងបាសស្កេរ៉េអូស្តេរ៉េអូចំនួន ២ ៕