ក្រុមហ៊ុន Samsung ត្រូវបានគេរាយការណ៍ថា កំពុងរៀបចំផែនការក្នុងផ្លាស់ប្តូរថ្មថ្មីសម្រាប់ Galaxy S26 Series របស់ពួកគេ ដោយថ្មថ្មីនេះ អាចនឹងប្រើប្រាស់នូវបច្ចេកវិទ្យាថ្មីស៊ីលីកុនកាបូន (silicon carbon battery)។
ក្នុងនោះ ថ្មថ្មីប្រភេទនេះ ត្រូវបានអះអាងថានឹងមានសមត្ថភាពផ្ទុកថាមពលខ្ពស់ជាងប្រភេទថ្មធម្មតាដែលប្រើប្រាស់នៅក្នុងស្មាតហ្វូនបច្ចុប្បន្ន។ ជាទូទៅ ថ្មប្រភេទនេះ អាចមានសមត្ថភាពធ្វើអោយស្មាតហ្វូនមានសមត្ថភាពប្រើប្រាស់បានយូរ។
ជាមួយគ្នានេះ បើយោងតាមការរាយការណ៍បាននិយាយថា ក្រុមហ៊ុន Samsung ចង់ដាក់ឲប្រើប្រាស់ថ្មថ្មីនេះនៅក្នុងស្មាតហ្វូន Galaxy S26 របស់ពួកគេ ដោយថារំពឹងថានឹងអាចផ្តល់ជូនឱ្យអ្នកប្រើប្រាស់នូវថាមពលខ្ពស់ និងប្រសិទ្ធភាពល្អបំផុតក្នុងការប្រើប្រាស់។
ចំពោះប្រភេទថ្មនេះ នឹងមានសមត្ថភាពប្រហែល 6,000 mAh ទៅ 7,000 mAh ដែលនឹងធ្វើឱ្យ Galaxy S26 មានសមត្ថភាពថាមពលកាន់តែខ្ពស់ និងអាចប្រើប្រាស់បានយូរជាងមុន។ ប្រសិនបើ Samsung អាចធ្វើការកែប្រែបច្ចេកវិទ្យានេះបានត្រឹមត្រូវ វានឹងជួយបង្កើនប្រសិទ្ធភាព និងអត្រាការប្រើប្រាស់ទូរស័ព្ទរបស់ពួកគេឲ្យកាន់តែប្រសើរឡើងក្នុងឆ្នាំ 2026 ដើម្បីប្រកួតប្រជែងជាមួយនឹង Apple និងក្រុមហ៊ុនចិន៕