ក្រុមហ៊ុន OnePlus ត្រូវបានគេរាយការណ៍ថា កំពុងរៀបចំដាក់បង្ហាញចេញនូវស្មាតហ្វូន OnePlus 13 “Mini” ក្នុងឆ្នាំនេះ ដោយស្មាតហ្វូននេអនឹងមានអេក្រង់ដែលតូចជាងម៉ូឌែលស្តង់ដារ ប៉ុន្តែបន្តផ្តល់ជូននូវកាមេរ៉ាដ៏ល្អ និងមានសមត្ថភាពដដែល។
ក្នុងនោះ OnePlus 13 “Mini” អាចនឹងទទួលបានកាមេរ៉ាគោល 50MP និងកាមេរ៉ា telephoto 50MP គាំទ្រការថត 2x Optical Zoom ។
បើប្រៀបធៀប, អេក្រង់ទំហំ 6.31 អ៊ីញ របស់ OnePlus 13 “Mini” នឹងមានទំហំតូចជាងអេក្រង់របស់ Find X8 និង Find X8 Pro ដែលមានទំហំ 6.59 អ៊ីញ និង 6.78 អ៊ីញ ប៉ុន្តែក៏មិនតូចដល់កម្រិតស្មាតហ្វូន “Compact” ដូច Pixel 9 Pro (6.3 អ៊ីញ) និង Galaxy S25 (6.2 អ៊ីញ) នោះឡើយ។ ជាមួយគ្នានេះ វាក៏ត្រូវបានរំពឹងថានឹងដំណើរការដោយបន្ទះឈីប Snapdragon Elite ដែលអាចផ្តល់សមត្ថភាពខ្ពស់ក្នុងការប្រើប្រាស់ប្រចាំថ្ងៃ និងលេងហ្គេម។
បច្ចុប្បន្ន OnePlus នៅមិនទាន់ប្រកាសចេញនូវព័ត៌មានលម្អិត និងថ្ងៃចេញជាផ្លូវការនោះទេអំពី OnePlus 13 “Mini” ប៉ុន្តែអាចនឹងចេញនៅក្នុងពេលឆាប់ៗនេះ ដោយអាចជាជម្រើសដ៏ល្អសម្រាប់អ្នកដែលចង់បានទូរស័ព្ទមានសមត្ថភាពខ្ពស់ តែមានទំហំតូច និងងាយស្រួលកាន់៕