ក្រុមហ៊ុន Apple ត្រូវបានគេរាយការណ៍ថា កំពុងត្រៀមបង្ហាញ iPhone ដែលអាចបត់បានក្នុងពេលឆាប់ៗនេះ ដោយអាចនឹងបង្ហាញខ្លួននៅចន្លោះឆ្នាំ 2025 ដល់ 2027 ។ បើយោងតាមការផ្សព្វផ្សាយនាពេលថ្មីៗនេះបាននិយាយថា ក្រុមហ៊ុន Apple កំពុងស្ថិតក្នុងដំណាក់កាលចុងក្រោយក្នុងការជ្រើសរើសក្រុមហ៊ុនផ្គត់ផ្គង់អេក្រង់សម្រាប់ iPhone ដែលអាចបត់បានរបស់ពួកគេ។ ក្នុងនោះ ការសម្រេចចិត្តអាចត្រូវធ្វើឡើងនៅចុងខែកុម្ភៈ ដល់ដើមខែមេសា។
សម្រាប់ការរចនា iPhone អាចបត់បានរបស់ Apple នឹងមានរចនាថ្មីផ្សេងពី Galaxy Z Flip និង Galaxy Z Fold របស់ Samsumg ដើម្បីបង្កើតភាពខុសប្លែកនៅក្នុងទីផ្សារទូរស័ព្ទអាចបត់បាន ពោលគឺការរចនា iPhone ដែលអាចបត់របស់ Apple នឹងមិនមានរចនាប័ទ្ម clamshell និងការរចនាដែលមានទំហំធំនោះឡើយ។
គួរឲដឹងថា ក្រុមហ៊ុន Apple ក៏ត្រូវបានគេរាយការណ៍ថា កំពុងអភិវឌ្ឍបច្ចេកវិទ្យាថ្មីដើម្បីធ្វើការកែលម្អភាពធន់នៃអេក្រង់ និងកាត់បន្ថយ ឬបំបាត់ស្នាមបត់លើអេក្រង់ ឫ Crease Prevention ដែលជាបញ្ហាសំខាន់នៅលើទូរស័ព្ទបត់បាននាពេលបច្ចុប្បន្ននេះផងដែរ។
ប្រភពៈ Gizmochina