ក្រុមហ៊ុន Asus កំពុងត្រៀមបញ្ចេញស្មាតហ្វូន ROG Phone 9 FE ដែលជាស្មាតហ្វូនដែលមានតម្លៃសមរម្យជាង ROG Phone 9 និង ROG Phone 9 Pro។ នេះបើយោងឯកសារពីប្រទេសម៉ាឡេស៊ី និងថៃ។
យោងតាមឯកសារបញ្ជាក់ថ្មីៗនេះមិនទាន់បានបញ្ជក់អំពីព័ត៌មានលម្អិត និងលក្ខណៈពិសេសនៃម៉ូដែល FE នៅឡើយទេ ប៉ុន្តែបាននិយាយថា ROG Phone 9 FE អាចនឹងមានការធ្លាក់ចុះលក្ខណៈពិសេសខ្លះ ឫក៏ Specs មួយចំនួនដូចជាឈីប និងថ្ម បើប្រៀបធៀបនឹង ROG Phone 9 និង ROG Phone 9 Pro ដើម្បីធានាថាស្មាតហ្វូនមួយម៉ូឌែលថ្មីនេះអាចមានតម្លៃទាក់ទាញបន្ថែមសម្រាប់អ្នកប្រើប្រាស់។
បន្ថែមលើនេះ ស្មាតហ្វូន ROG Phone 9 FE ត្រូវបានអះអាងថាមានលេខម៉ូដែល AI2401N ដែលជាកូដស្រដៀងនឹង ROG Phone 8 ។ ក្នុងនោះពួកគេបានបង្ហាញថា ROG Phone 9 FE អាចនឹងមានលក្ខណៈស្រដៀងគ្នានឹង ROG Phone 8 ប៉ុន្តែគឺមកជាមួយការផ្លាស់ប្តូរផ្នែកខ្លះបន្តិចបន្តួច។
គួរឲដឹងថា ROG Phone 9 FE ត្រូវបានគេរំពឹងថានឹងក្លាយជាស្មាតហ្វូនដែលសាកសមសម្រាប់អ្នកដែលចង់បានស្មាតហ្វូនមានលក្ខណៈពិសេសល្អក្នុងតម្លៃសមរម្យ៕