សាជីវកម្មទិន្នន័យអន្តរជាតិ (IDC) បានចេញផ្សាយសេចក្តីរាយការណ៍ថ្មីស្តីពីទីផ្សារស្មាតហ្វូនទូទាំងពិភពលោកចុងក្រោយបំផុតរបស់ខ្លួនដោយរាយការណ៍ថា ការនាំចេញស្មាតហ្វូនសម្រាប់ត្រីមាសទី 4 ក្នុងឆ្នាំ 2024 បានកើនឡើង 2.4% ពីមួយឆ្នាំទៅមួយឆ្នាំ (YoY) ដល់ 331.7 លានគ្រឿង។ ខណៈនៅក្នុងឆ្នាំ 2024 ទីផ្សារសរុបមានកំណើន 6.4% ស្មើនឹង 1.24 ពាន់លានគ្រឿង ពោលគឺមានការងើបឡើងវិញយ៉ាងខ្លាំងបន្ទាប់ពីការធ្លាក់ចុះរយៈពេលពីរឆ្នាំជាប់គ្នា។
ជាមួយគ្នានេះ ក្រុមហ៊ុន Apple និង Samsung នៅតែជាក្រុមហ៊ុនកំពូលដែលមានទីផ្សារច្រើនជាងគេនៅក្នុង Q4 ជាមួយនឹងចំណែកទីផ្សារ 23.2% និង 15.6% ។ ហើយពេញមួយឆ្នាំ 2024 ក្រុមហ៊ុនទាំងពីរមានការនាំចេញសរុប 232.1 លានគ្រឿង និង 223.4 លានគ្រឿង។
ចំណែក ក្រុមហ៊ុន Xiaomi វិញ ទទួលបានចំណាត់ថ្នាក់ទី 3 សម្រាប់ត្រីមាសទី៤ ជាមួយនឹងចំណែកទីផ្សារ 12.6% ហើយសម្រាប់ឆ្នាំ2024 មានការនាំចេញសរុបដល់ 168.5 លានគ្រឿង។ រីឯ Transsion ដែលរួមមាន itel, Infinix និង Tecno បានកាន់កាប់តំណែងទី 4 ក្នុងត្រីមាសទី 4 និងពេញមួយឆ្នាំ ២០២៤ ដោយបានសម្រេចបាននូវអត្រាកំណើន 12.7% ។
គួរឲដឹងថា បើទោះបីជាទីផ្សារស្មាតហ្វូនធម្មតាមានការកើនឡើងវិគក៏ដោយ តែទីផ្សារស្មាតហ្វូនដែលអាចបត់បានបន្តប្រឈមមុខនឹងបញ្ហា ខណៈតម្រូវការអ្នកប្រើប្រាស់មានការថយចុះ ទោះបីជាមានការផ្សព្វផ្សាយយ៉ាងចាស់ដៃក៏ដោយ។ អាស្រ័យហេតុនេះ ក្រុមហ៊ុននានាបានរាយការណ៍ពីការផ្លាស់ប្តូរ R&D ផ្តោតលើការអនុវត្តមុខងារ AI នៅលើស្មាតហ្វូនរបស់ពួកគេ ដែលកំពុងបន្តជំរុញកំណើនទីផ្សារនៅឆ្នាំ 2025 ផងដែរ។