ក្រុមហ៊ុន Xiaomi បានប្រកាសដាក់បង្ហាញចេញជាផ្លូវការកុំព្យូទ័រសេរ៊ីថ្មី REDMI Book សេរ៊ីឆ្នាំ២០២៥ ជាមួយតម្លៃលក់ចាប់ពី ៦៥៧ ដុល្លារ ដល់ ៧៣៩ ដុល្លារ នៅក្នុងទីផ្សារប្រទេសចិន។
កុំព្យូទ័រ REDMI Book សេរ៊ីឆ្នាំ២០២៥ ទទួលបានអេក្រង់កម្រិត 2.5K ទំហំ ១៦ អ៊ីញ 120Hz មានកម្រិតពន្លឺ 400 nits ជាមួយនឹង ការរចនាគែម ឫ bezel ស្តើងបំផុត កម្រិតពណ៌ sRGB 100% និងវិញ្ញាបនបត្រ TÜV Rheinland សម្រាប់ការការពារភ្នែក។ កុំព្យូទ័រនេះ ដំណើរការដោយ Intel Core i5-220H ជំនាន់ទី១៣ ជាមួយនឹងប្រព័ន្ធប្រតិបត្តិការ Windows 11 និងទទួលបាន RAM ដល់ 32GB និងអង្គផ្ទុកដល់ 1TB ។
សម្រាប់ផ្នែកថាមពលថ្ម REDMI Book 16 2025 ទទួលបានកញ្ជប់ថាមពលថ្មទំហំ 72Wh អាចប្រើប្រាស់ដល់ទៅ ១៩ ម៉ោង និងគាំទ្រការសាកថ្មល្បឿនលឿន 100W តាមរយៈអាដាប់ទ័រ GaN ។ លើសពីនេះ ទទួលបានរន្ធ USB-C 3.2 Gen 2, HDMI 2.1, USB-A 3.2 Gen 1 ចំនួន២, រន្ធដោតកាស 3.5mm ចំនួន១, រន្ធ USB-A 2.0, ឧបករណ៍បំពងសំឡេងចំនួន២, នេ្ធមីក្រូហ្វូន និងកាមេរ៉ាកម្រិត 1080p និងគាំទ្រ Dolby Vision, Dolby Atmos, Wi-Fi 6, Bluetooth v5.2 និង HyperOS Connect របស់ Xiaomi ។
គួរឲដឹងថា ការរចនារបស់ REDMI Book សេរ៊ីឆ្នាំ២០២៥ ត្រូវបានធ្វើឡើងជាមួយនឹងលោហៈធាតុអាលុយមីញ៉ូមមានកម្រាស់ខ្ទង់ ១៥,៩ ម.ម និងទម្ងន់ខ្ទង់ ១,៦៥ គីឡូក្រាម និងទទួលបានជម្រើសពណ៌ប្រផេះតែមួយប៉ុណ្ណោះ៕
ប្រភពៈ FoneArena
ពាណិជ្ជកម្ម
