ដំណឹងល្អ! មហាសេដ្ឋីជប៉ុន ស្វែងរកមនុស្ស ៨ នាក់ ដើម្បីហោះទៅឋានព្រះចន្ទ

មហាសេដ្ឋីជនជាតិជប៉ុន លោក Yusaku Maezawa កំពុងតែស្វែងរកមនុស្សចំនួន ៨នាក់ ឲ្យចូលរួមជាមួយលោក សម្រាប់ដំណើរកម្សាន្តជុំវិញឋានព្រះចន្ទ នៅលើជើងហោះហើរនៃក្រុមហ៊ុន SpaceX របស់លោក Elon Musk។

លោក Yusaku Maezawa បាននិយាយនៅក្នុងវីដេអូមួយ តាមរយៈបណ្តាញសង្គម Twitter ថា “ខ្ញុំចង់ឲ្យប្រជាជនដែលមកពីគ្រប់មជ្ឈដ្ឋានចូលរួម” ហើយបន្ថែមថា លោកនឹងចំណាយសម្រាប់ការធ្វើដំណើរទាំងមូល ដូច្នេះអ្នកដែលចូលរួមនឹងបានហោះហើរដោយឥតគិតថ្លៃតែម្តង។

ពាណិជ្ជកម្ម

គួរឲ្យដឹងថា បេសកកម្មហោះទៅឋានព្រះចន្ទនេះ ត្រូវបានគេហៅថា “dearMoon” ដែលត្រូវចេញដំណើរនៅក្នុងឆ្នាំ២០២៣ ខាងមុខនេះតែម្តង។

ទោះជាយ៉ាងណាក៏ដោយ អ្នកដាក់ពាក្យចូលរួមត្រូវបំពេញតាមលក្ខណៈវិនិច្ឆ័យ ២ គឺ ទី១៖ ពួកគេគួរតែជំរុញសកម្មភាពអ្វីក៏ដោយដែលពួកគេមាន ដើម្បីជួយអ្នកដទៃ និងសង្គមកាន់តែច្រើន តាមមធ្យោបាយណាមួយ ហើយទី២៖ ពួកគេមានឆន្ទៈជួយសមាជិកនាវិកដទៃទៀត ដែលមានសេចក្តីប្រាថ្នាស្រដៀងគ្នានេះ៕