OnePlus Open 2 អាចនឹងប្រកាសចេញនៅដើមឆ្នាំ២០២៥ នេះ ជាមួយនឹងលេន 50MP ៣គ្រាប់

ក្រុមហ៊ុនផលិតស្មាតហ្វូន OnePlus ត្រូវបានគេរាយការណ៍ថា អាចប្រកាសចេញនូវស្មាតហ្វូន OnePlus Open 2 ដែលជាស្មាតហ្វូនដែលអាចបត់បានជំនាន់ថ្មីរបស់ពួគេនៅដើមឆ្នាំ២០២៥ ដោយមានការធ្វើឱ្យប្រសើរជាច្រើនទាក់ទងនឹងការរចនា មុខងារថ្មីៗ និងលក្ខណៈសម្បត្តិផ្សេងៗទៀតជាដើម ហើយអាចនឹងចេញលក់ជាសកលនៅត្រីមាសទី ១ ក្នុងឆ្នាំ២០២៥ ដូចគ្នា។

ពាណិជ្ជកម្ម

សម្រាប់ទូរស័ព្ទដៃ OnePlus Open 2 ត្រូវបានរំពឹងថានឹងទទួលបានអេក្រង់ខាងក្នុងទំហំ ៨ អ៊ីញ 120Hz មានកម្រិតបង្ហាញ 2K LTPO ដែលធំជាងអេក្រង់ ៧,៨២ អ៊ីញនៅលើ OnePlus Open 1 ។ ចំណែកអេក្រង់ខាងក្រៅវិញ អាចមានទំហំ ៦,៤អ៊ីញ កើនឡើងបន្តិចបើធៀបនឹងអេក្រង់ទំហំ ៦,៣១ អ៊ីញ ពីមុន។ ក្នុងនោះ ទូរស័ព្ទដៃនេះ អាចដំណើរការដោយបន្ទះឈីប Snapdragon 8 Elite របស់ Qualcomm ជាមួយប្រព័ន្ធប្រតិបត្តិការ Android 15 នៅលើ OxygenOS 15 ជាមួយ RAM 16GB និងអង្គផ្ទុក 1TB ។

ចំពោះផ្នែកកាមេរ៉ាវិញ OnePlus Open 2 ត្រូវបានរំពឹងថានឹងមានរចនាដែលស្រដៀងទៅនឹង OnePlus Open ដើម ដោយរក្សាប្លង់កាមេរ៉ារាងរង្វង់ធំមានកាម៉េរ៉ាគោលខាងក្រោយទំហំ 50MP បូករួមជាមួយលេនទូលាយ Ultra-Wide ទំហំ 50MP និងលេនពង្រីក Telephoto  ទំហំ 50MP ខណៈកាមេរ៉ាផ្នែកខាងមុខអាចនឹងមានទំហំ 32MP និង 20MP ។

ចំណែកផ្នែកថាមពលថ្ម ទូរស័ព្ទដៃនេះ អាចនឹងទទួលបានកញ្ជប់ថ្មទំហំធំដល់ 5,900mAh បើធៀបនឹងថ្ម 4,800mAh ពីមុន គាំទ្រការសាកតាមខ្សែល្បឿនលឿនដល់ 80W និងឥតខ្សែ 50W ។ លើសពីនេះទៅទៀត ទូរស័ព្ទនេះ ក៏អាចនឹងមានបំពាក់ជាមួយអាវការពារធូលី និងទឹកកម្រិត IPX8 ថ្មីផងដែរ ។

គួរឲដឹងថា OnePlus Open 2 ត្រូវបានរំពឹងថានឹងទទួលបានជម្រើសពណ៌ចំនួន២ រួមមានពណ៌ខ្មៅស្តង់ដារ និងមានការរចនាជាមួយអក្សរ Haaselblad នៅផ្នែកខាងក្រោម ការរចនាគែមខាងក្រោយមានរូបរាងកោងដែលខុសពីម៉ូដែលដើម និងមានកម្រាស់ក្រោម ១០មីលីម៉ែត្រ នៅពេលបត់ ដែលអាចនិយាយបានថាស្តើងជាងមុន៕

ប្រភពៈ FoneArena