កាលពីពេលថ្មីៗនេះ ក្រុមហ៊ុន Tecno បានធ្វើការប្រកាសដាក់បង្ហាញចេញនូវថេប្លេតសេរ៊ីថ្មី Tecno Megapad 11 នៅក្នុងប្រទេសហ្គាណា ខណៈតម្លៃ និងពេលចេញលក់ជាផ្លូវការនៅក្នុងប្រទេសហ្គាណាមិនទាន់ត្រូវបានបញ្ជាក់នៅឡើយទេ ប៉ុន្តែ Megapad 11 ត្រូវបានគេរំពឹងថានឹងចេញលក់នៅក្នុងតំបន់ផ្សេងទៀតក្នុងពេលឆាប់ៗនេះ។
ថេប្លេត Tecno Megapad 11 ទទួលបានអេក្រង់ LCD ទំហំ ១១ អ៊ីញ 90Hz មានកម្រិតបង្ហាញ Full HD+ និងកម្រិតពន្លឺ 440nits ដំណើរការដោយបន្ទះឈីប MediaTek Helio G99 ជាមួយប្រព័ន្ធប្រតិបត្តិការ Android 14 និងទទួលបាន RAM ទំហំ 8GB និងអង្គផ្ទុក 128GB / 256GB ។
បើនិយាយពីផ្នែកកាមេរ៉ាវិញ ថេប្លេត Tecno Megapad 11 ទទួលបានកាម៉េរ៉ាគោលខាងក្រោយទំហំ 13MP និងកាមេរ៉ាផ្នែកខាងមុខមានទំហំ 8MP ។ ក្នុងនោះ ថេប្លេតនេះ គាំទ្រមុខងារ AI Translation, AI Noise Call Cancellation, SmartScan, AI Text Concierge, មុខងារ Intelligent Screen Recognition និងទទួលបានជម្រើសពណ៌ខៀវ និងបៃតង។
ចំពោះផ្នែកថាមពលថ្ម ថេប្លេត Tecno Megapad 11 ទទួលបានកញ្ជប់ថ្មទំហំ 8,000mAh គាំទ្រការសាកតាមខ្សែ 18W អាចលេងបានខ្ទង់ ១៥ម៉ោង នៅពេលសាកពេញម្តង៕