កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ realme បានធ្វើការប្រកាសដាក់បង្ហាញចេញនូវរូបភាពផ្លូវការរបស់ទូរស័ព្ទដៃសេរ៊ីថ្មី realme Neo7 ហើយគ្រោងចេញលក់នៅក្នុងសប្តាហ៍ក្រោយនេះ នៅក្នុងទីផ្សារប្រទេសចិន ជាមួយតម្លៃលក់ចាប់ពី ៣៤៤ ដុល្លារ។
ពាណិជ្ជកម្ម
ក្នុងនោះ ទូរស័ព្ទដៃ realme Neo7 នឹងទទួលបានអេក្រង់ប្រភេទ AMOLED ទំហំ ៦,៧៨ អ៊ីញ 120Hz មានកម្រិតបង្ហាញ 1.5K ដំណើរការដោយបន្ទះឈីប Dimensity 9300+ ទំហំ 4nm ជាមួយប្រព័ន្ធប្រតិបត្តិការ Android 15 នៅលើ realme UI 6.0 និងទទួលបាន RAM 12GB / 16GB និងអង្គផ្ទុក 256GB / 512GB (UFS 4.0) ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើផ្នែកអេក្រង់បាន។
សម្រាប់ផ្នែកកាមេរ៉ា ទូរស័ព្ទដៃ realme Neo7 នឹងទទួលបានកាម៉េរ៉ាគោលខាងក្រោយទំហំ 50MP មាន OIS បូករួមជាមួយលេនទូលាយ ultra-wide ទំហំ 8MP និងលេនពង្រីក Telephoto ទំហំ 8MP ខណៈកាមេរ៉ាផ្នែកខាងមុខនឹងមានទំហំ 16MP ។
ចំណែកផ្នែកថាមពលថ្មវិញ នឹងទទួលបានកញ្ជប់ថាមពលថ្មទំហំធំដល់ 7,000mAh គាំទ្រការសាកតាមខ្សែ 80W អាចលេងបាន ៨,៥ ម៉ោងជាប់ៗគ្នានៅពេលសាកថ្មពេញម្តង។ លើសពីនេះទៅទៀត ទូរស័ព្ទនេះ ត្រូវបានរំពឹងថានឹងទទួលបានបាសសម្លេង Stereo speakers និងរន្ធ USB Type-C audio, អាវការពារធូលី និងទឹកកម្រិត IP68+IP69 និងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.4, GPS និង USB Type-C ។
គួរឲដឹងថា ការរចនារបស់ស្មាតហ្វូន realme Neo7 នឹងមានកម្រាស់ ៨,៥៦ ម.ម និងទម្ងន់ខ្ទង់ ២១៣,៤ ក្រាម និងទទួលបានជម្រើសពណ៌ប្រាក់ និងពណ៌ផ្សេងៗទៀយផងដែរ៕