កាលពីពេលថ្មីៗនេះ បើយោងតាមសារព៌ត័មានប្រចាំប្រទេសចិនបាននិយាយថា ក្រុមហ៊ុនផលិតទូរស័ព្ទដៃ realme នឹងធ្វើការប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី realme Neo7 នៅក្នុងពេលឆាប់ៗនេះនៅក្នុងទីផ្សារប្រទេសចិន ជាមួយតម្លៃលក់ចាប់ពី ៣៤៤ ដុល្លារ។
ពាណិជ្ជកម្ម
ក្នុងនោះ ទូរស័ព្ទដៃ realme Neo7 ត្រូវបានរំពឹងថានឹងទទួលបានអេក្រង់ OLED ទំហំ ៦,៧៨ អ៊ីញ 120Hz មានកម្រិតបង្ហាញ 1.5K ដំណើរការដោយបន្ទះឈីប Dimensity 9300+ ទំហំ 4nm ជាមួយប្រព័ន្ធប្រតិបត្តិការ Android 15 នៅលើ realme UI 6.0 និងទទួលបាន RAM 12GB / 16GB និងអង្គផ្ទុក 256GB / 512GB (UFS 4.0) ព្រមទាំងអាចប្រើប្រាស់សុីមបានចំនួន២ (nano + nano + microSD) អាចបន្ថែមដល់ 1TB តាមរយៈ microSD និងអាចស្កេនម្រាមដៃនៅលើផ្នែកអេក្រង់បាន។
សម្រាប់ផ្នែកកាមេរ៉ា ទូរស័ព្ទដៃ realme Neo7 ត្រូវបានរំពឹងថានឹងទទួលបានកាម៉េរ៉ាគោលខាងក្រោយទំហំ 50MP មាន OIS បូករួមជាមួយលេនទូលាយ ultra-wide ទំហំ 8MP និងកាមេរ៉ាផ្នែកខាងមុខមានទំហំ 16MP ។
ចំណែកផ្នែកថាមពលថ្មវិញ នឹងទទួលបានកញ្ជប់ថាមពលថ្មទំហំធំដល់ 7,000mAh គាំទ្រការសាកតាមខ្សែ 80W អាចលេងបាន ៨,៥ ម៉ោងជាប់ៗគ្នានៅពេលសាកថ្មពេញម្តង។ លើសពីនេះទៅទៀត ទូរស័ព្ទនេះ ត្រូវបានរំពឹងថានឹងទទួលបានបាសសម្លេង Stereo speakers និងរន្ធ USB Type-C audio, អាវការពារធូលី និងទឹកកម្រិត IP68+IP69 និងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.4, GPS និង USB Type-C ។
គួរឲដឹងថា ការរចនារបស់ស្មាតហ្វូន OnePlus 13R ត្រូវបានរំពឹងថានឹងមានកម្រាស់ ៨,៥៦ ម.ម និងទម្ងន់ខ្ទង់ ២១៣ ក្រាម និងទទួលបានជម្រើសពណ៌ស្វាយ ប្រាក់ និងពណ៌បៃតង៕