កាលពីពេលថ្មីៗនេះ បើយោងតាមសារព៌ត័មាន OnLeaks បាននិយាយថា ក្រុមហ៊ុនផលិតទូរស័ព្ទដៃ OnePlus នឹងធ្វើការប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី OnePlus 13R នៅក្នុងពេលឆាប់ៗនេះនៅក្នុងទីផ្សារប្រទេសចិន ជាមួយតម្លៃលក់ខ្ទង់តែ ៣០០ ដុល្លារ ប៉ុណ្ណោះ។
ក្នុងនោះ ទូរស័ព្ទដៃ OnePlus 13R ត្រូវបានរំពឹងថានឹងទទួលបានអេក្រង់ 8T LTPO AMOLED ទំហំ ៦,៧៨ អ៊ីញ 120Hz មានកម្រិតបង្ហាញ 2780×1264 pixels និងកម្រិតពន្លឺខ្ទង់ 2,000 nits ដំណើរការដោយបន្ទះឈីប Snapdragon 8 Gen 3 ទំហំ 4nm ជាមួយប្រព័ន្ធប្រតិបត្តិការ Android 15 នៅលើ OxygenOS 15 និងទទួលបាន RAM 12GB និងអង្គផ្ទុក 256GB ព្រមទាំងអាចប្រើប្រាស់សុីមបានចំនួន២ (nano + nano + microSD) អាចបន្ថែមដល់ 1TB តាមរយៈ microSD និងអាចស្កេនម្រាមដៃនៅលើផ្នែកអេក្រង់បាន។
សម្រាប់ផ្នែកកាមេរ៉ា ទូរស័ព្ទដៃ OnePlus 13R ត្រូវបានរំពឹងថានឹងទទួលបានកាម៉េរ៉ាគោលខាងក្រោយទំហំ 50MP មាន aperture f/1.8 និង OIS បូករួមជាមួយលេនទូលាយ ultra-wide ទំហំ 8MP មាន aperture f/2.2 អាចថតបាន ១២០ដឺក្រេ និងលេនពង្រីក telephoto ទំហំ 50MP មាន aperture f/2.0 និង LED flash ខណៈកាមេរ៉ាផ្នែកខាងមុខមានទំហំ 16MP មាន aperture f/2.4 ។
ចំណែកផ្នែកថាមពលថ្មវិញ ត្រូវបានរំពឹងថានឹងទទួលបានកញ្ជប់ថាមពលថ្មទំហំ 6,000mAh គាំទ្រការសាកតាមខ្សែ 80W។ លើសពីនេះទៅទៀត ទូរស័ព្ទនេះ ត្រូវបានរំពឹងថានឹងទទួលបានបាសសម្លេង Stereo speakers និងរន្ធ USB Type-C audio, អាវការពារធូលី និងទឹកកម្រិត IP68 + IP69 និងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.4, GPS និង USB Type-C ។
គួរឲដឹងថា ការរចនារបស់ស្មាតហ្វូន OnePlus 13R ត្រូវបានរំពឹងថានឹងមានកម្រាស់ ៨,០២ ម.ម និងទម្ងន់ខ្ទង់ ២០០ ក្រាម និងទទួលបានជម្រើសពណ៌ Nebula Noir និង Astral Trail ៕
ពាណិជ្ជកម្ម
