កាលពីពេលថ្មីៗនេះ ក្រុមហ៊ុន Honda Motorcycle & Scooter India (HMSI) បានប្រកាសដាក់បង្ហាញចេញនូវម៉ូតូអគ្គិសនី (EV) ចំនួន ២ម៉ូឌែល រួមមានម៉ូដែល ACTIVA e និង QC1 ។ក្នុងនោះ ក្រុមហ៊ុន Honda មិនទាន់ប្រកាសតម្លៃជាផ្លូវការសម្រាប់ ACTIVA e និង QC1 នៅឡើយទេ ប៉ុន្តែក្រុមហ៊ុនបានអះអាងថាតម្លៃនឹងត្រូវបានបង្ហាញក្នុងអំឡុងពេលដាក់លក់នៅខែកុម្ភៈ ក្នុងឆ្នាំ២០២៥។ ទោះយ៉ាងណាក៏ដោយ ដោយសារការប្រកួតប្រជែងទីផ្សារ EV របស់ឥណ្ឌា តម្លៃស្មានសមរម្យសម្រាប់ ACTIVA e និង QC1 គឺប្រហែលមានតម្លៃលក់ចាប់ពី ១ ០០០ដុល្លារ ទៅ ១ ៥០០ដុល្លារ ។
ចំពោះម៉ូតូអគ្គិសនីម៉ូឌែល ACTIVA e: របស់ក្រុមហ៊ុន Honda ត្រូវបានរចនាជាមួយរូបរាងទាន់សម័យសាកសមជាយានយន្តអគ្គិសនីដែលរចនាជាមួយចង្កៀងមុខ-ក្រោយ LED និងប្រើប្រាស់នូវយ៉ាន់កង់ស្ព័រ និងកៅអីស្បែកមានជម្រើសពណ៌ចំនួន២ រួមជាមួយអេក្រង់ TFT ទំហំ ៧ អ៊ីគ សម្រាប់ការភ្ជាប់ប្រព័ន្ធប្រតិបត្តិការ Honda RoadSync Duo ដែលគាំទ្រកាតភ្ជាប់ Bluetooth សម្រាប់ការហៅទូរសព្ទ និងបង្ហាញទីតាំង។ លើសពីនេះទៅទៀត ម៉ូតូអគ្គិសនីនេះ ទទួលបានជម្រើសពណ៌ Blue Pearl, White Pearl, Serenity Blue, Matt Foggy Silver Metallic និង Black Pearl ។
