កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ vivo បានប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី vivo S20 និង S20 Pro ជាមួយតម្លៃលក់ចាប់ពី ៣១៧ ដុល្លារ ដល់ ៤១៣ ដុល្លារ សម្រាប់ vivo S20 និងចាប់ពី ៤៦៨ ដុល្លារ ដល់ ៥៥១ ដុល្លារ សម្រាប់ S20 Pro នៅក្នុងទីផ្សារប្រទេសចិន។
ពាណិជ្ជកម្ម
ទូរស័ព្ទដៃ vivo S20 និង S20 Pro ទទួលបានអេក្រង់ប្រភេទ AMOLED និងអេក្រង់កោងប្រភេទ AMOLED ទំហំ ៦,៦៧ អ៊ីញ 120Hz មានកម្រិតបង្ហាញ 1.5K (2800×1260 pixels) និងកម្រិតពន្លឺ 5,000 nits ដំណើរការដោយបន្ទះឈីប Snapdragon 7 Gen 3 ទំហំ 4nm និងបន្ទះឈីប Dimensity 9300+ ទំហំ 4nm (Pro) ជាមួយប្រព័ន្ធប្រតិបត្តិការ Android 15 នៅលើ OriginOS 5 និងទទួលបាន RAM 8GB / 12GB / 16GB ប៉ុន្តែម៉ូឌែល Pro មិនមាន RAM 8GB នោះទេ និងអង្គផ្ទុក 256GB / 512GB ព្រមទាំងអាចប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
សម្រាប់ផ្នែកកាមេរ៉ាទូរស័ព្ទដៃ vivo S20 និង S20 Pro ទទួលបានកាម៉េរ៉ាគោលខាងក្រោយទំហំ 50MP ប្រើប្រាស់សេនស័រ OV50E មាន aperture f/1.88, OIS និង LED flash បូករួមជាមួយលេនទូលាយ Ultra-Wide ទំហំ 8MP មាន aperture f/2.2 និង Aura light សម្រាប់ vivo S20 ចំណែក S20 Pro ទទួលបានកាម៉េរ៉ាគោលខាងក្រោយទំហំ 50MP ប្រើប្រាស់សេនស័រ Sony IMX921 មាន aperture f/1.88 និង OIS បូករួមជាមួយលេនទូលាយ Ultra-Wide ទំហំ 50MP មាន aperture f/2.05 និងលេនពង្រីក Telephoto ទំហំ 50MP មាន aperture f/2.55 និង Aura light គាំទ្រការថត 3x Optical zoom ។ ចំណែកកាមេរ៉ាផ្នែកខាងមុខរបស់ទូរស័ព្ទដៃទាំង ២ម៉ូឌែលនេះ មានទំហំ 50MP មាន aperture f/2.0 និងមុខងារ autofocus ។
ចំណែកផ្នែកថាមពលថ្ម vivo S20 និង S20 Pro ទទួលបានកញ្ជប់ថាមពលថ្មទំហំ 6,500mAh និង 5,500mAh (Pro) គាំទ្រការសាកតាមខ្សែ 80W និង 90W (Pro) ។ លើសពីនេះទៅទៀត ទូរស័ព្ទនេះ គឺមានបំពាក់មកជាមួយអាវការពារធូលី និងទឹកកម្រិត IP68 + IP69 និងគាំទ្រការតភ្ជាប់ 5G, 4G VoLTE, Wi-Fi 7 (Pro), Wi-Fi 6, Bluetooth 5.4, GPS, USB Type-C, NFC និងទទួលបានរន្ធ USB Type-C audio និងបាសសម្លេង Stereo speakers ។
គួរឲដឹងថា ការរចនារបស់ស្មាតហ្វូន vivo S20 និង S20 Pro មានកម្រាស់ ៧,១៩ ម.ម | ៧,៤៣ ម.ម (Pro) និងទម្ងន់ ១៨៦ ក្រាម | ១៩៣ ក្រាម (Pro) និងទទួលបានជម្រើសពណ៌មាស ស និងខ្មៅ សម្រាប់ vivo S20 និងជម្រើសពណ៌ខ្មៅ ស្វាយ និងមាស សម្រាប់ S20 Pro ៕