ចេញហើយ! ថេប្លេតសេរ៊ីថ្មី HUAWEI MatePad Pro 13.2 តម្លៃខ្ទង់ ១ពាន់ដុល្លារ បំពាក់ថ្មធំ 10,100mAh

កាលពីពេលថ្មីៗនេះ ក្រុមហ៊ុន HUAWEI បានធ្វើការប្រកាសដាក់បង្ហាញចេញជាផ្លូវការនូវថេប្លេតសេរ៊ីថ្មី HUAWEI MatePad Pro 13.2 ជាមួយតម្លៃលក់ចាប់ពី ៧១៨ ដុល្លារ ដល់ ១ ៤៦៤ ដុល្លារ នៅក្នុងទីផ្សារប្រទេសចិន បន្ទាប់ពីប្រកាសចេញថេប្លេត HUAWEI MatePad Pro ទំហំ ១២,២អ៊ីញ នៅក្នុងខែសីហា។

ពាណិជ្ជកម្ម

បើនិយាយពីផ្នែកកាមេរ៉ាវិញ ថេប្លេត HUAWEI MatePad Pro 13.2 ទទួលបានកាម៉េរ៉ាគោលខាងក្រោយទំហំ 13MP មាន (f/1.8, AF) បូករួមជាមួយលេនទូលាយ wide-angle ទំហំ 8MP មាន (f/2.2, FF) និង LED Flash គាំទ្រការថតវីដេអូក្នុងកម្រិត 1080P (1920 × 1080) @ 30 fps ខណៈកាមេរ៉ាផ្នែកខាងមុខមានទំហំ 16MP មាន (f/2.0, FF) ។ ក្នុងនោះថេប្លេតនេះ ទទួលបានបាសសម្លេងចំនួន ៤ចំនុច រន្ធ Microphones ចំនួន ៤ចំនុច ប្រព័ន្ធសម្លេង HUAWEI SOUND និងគាំទ្រការតភ្ជាប់ Wi-Fi, Bluetooth 5.2, GPS, USB 3.1 Gen 1 និងទំនាក់ទំនងផ្កាយរណប។ ចំពោះផ្នែកថាមពលថ្ម ថេប្លេត HUAWEI MatePad Pro 13.2 ទទួលបានកញ្ជប់ថ្មទំហំ 10,100mAh គាំទ្រការសាកតាមខ្សែល្បឿនលឿន 100W អាចសាកឡើយដល់មួយពេញចំណាយពេល ៥៥នាទីប៉ុណ្ណោះ។

គួរឲដឹងថា ថេប្លេត OPPO Pad 3 ទទួលបានជម្រើសពណ៌ស ខ្មៅ និងមាស និងមានការរចនាកម្រាស់ ៥,៥ ម.ម និងទម្ងន់ ៥០៨ ក្រាម។ លើសពីនេះទៅទៀត ថេប្លេត OPPO Pad 3 ក៏ទទួលបាននូវជម្រើស PaperMatte Edition ដែលមានបំពាក់ជាមួយបច្ចេកវិជ្ជា PaperMatte និងគាំទ្រប៊ិក M-Pencil stylus ជំនាន់ទី ៣ ដែលអាចមានលក្ខណៈពិសេស Fangtian Painting Engine 2.0 និងគាំទ្រ 8K canvas, 500+ layers និងល្បឿន 120 fps ៕

ប្រភពៈ FoneArena