កាលពីពេលថ្មីៗនេះ ក្រុមហ៊ុនផលិតស្មាតហ្វូន Xiaomi បានធ្វើការប្រកាសដាក់បង្ហាញចេញលក់់ជាផ្លូវការនូវស្មាតហ្វូន Redmi A4 5G ជាមួយតម្លៃលក់ចាប់ពី ១០០ ដុល្លារ ដល់ ១១០ ដុល្លារ នៅក្នុងទីផ្សារប្រទេសឥណ្ឌា។
ពាណិជ្ជកម្ម
ស្មាតហ្វូន Redmi A4 5G ទទួលបានអេក្រង់ទំហំ ៦,៨៨អ៊ីញ 120Hz មានកម្រិតពន្លឺ 600 nits និងកម្រិតបង្ហាញ HD+ (1600 x 720 pixels) ដំណើរការដោយបន្ទះឈីប Snapdragon 4s Gen 2 4nm និងប្រព័ន្ធប្រតិបត្តិការ Android 14 នៅលើ Xiaomi HyperOS ព្រមទាំងទទួលបាន RAM 4GB និងអង្គផ្ទុកទិន្នន័យ 64GB និង 128GB ។ លើសពីនេះទៅទៀត ទូរស័ព្ទដៃ Redmi A4 5G ក៏អាចប្រើប្រាស់សុីមបានចំនួន២ (nano + nano + microSD) ហើយក៏អាចស្កេនម្រាមដៃនៅផ្នែកចំហៀងបានផងដែរ។
ចំពោះផ្នែកកាម៉េរ៉ាវិញ Redmi A4 5G ទទួលបានកាមេរ៉ាខាងមុខទំហំ 5MP ជាប្រភេទលេនទម្លុះអេក្រង់ និងកាមេរ៉ាគោលខាងក្រោយទំហំ 50MP ។ ក្នុងនោះ ស្មាតហ្វូននេះទទួលបានថាមពលថ្មទំហំ 5,160mAh អាចគាំទ្រការសាកថ្មតាមខ្សែ 18W ។
គួរឲដឹងថា ស្មាតហ្វូន Redmi A4 5G មានកម្រាស់ ៨,២២ ម.ម និងទម្ងន់ ២១២ក្រាម និងទទួលបានជម្រើសពណ៌តួខ្លួនចំនួន២ រួមមាន Starry Black និង Sparkle Purple ។ សម្រាប់ការតភ្ជាប់ Redmi A4 5G គាំទ្រ 4G VoLTE | Wi-Fi 802.11 ac (2.4GHz + 5GHz) | Bluetooth 5.4 | GPS | USB Type-C Port | រន្ធដោយកាស 3.5mm audio jack និង FM Radio ៕