nubia ថា ស្មាតហ្វូនសេរ៊ីថ្មី nubia Z70 Ultra នឹងប្រកាសចេញនៅក្នុងថ្ងៃទី២១ ខែវិច្ឆិកា ឆ្នាំ២០២៤ ខាងមុខនេះ

កាលពីពេលថ្មីៗនេះ ក្រុមហ៊ុន nubia បានធ្វើការប្រកាសថា ស្មាតហ្វូនសេរ៊ីថ្មី nubia Z70 Ultra របស់ពួកគេនឹងប្រកាសចេញជាផ្លូវការនៅក្នុងទីផ្សារប្រទេសចិន នៅក្នុងថ្ងៃទី២១ ខែវិច្ឆិកា ឆ្នាំ២០២៤ ខាងមុខនេះ។

ក្នុងនោះ ស្មាតហ្វូននេះ នឹងប្រើប្រាស់នូវបន្ទះឈីប Snapdragon 8 Elite និងប្រព័ន្ធប្រតិបត្តិការ Android 15 នៅលើ Nebula AIOS ដែលគាំទ្រមុខងារ AI voice ticket booking, AI voice expression control, AI smart image search, AI smart text និងមុខងារ social media publishing ។

ទន្ទឹមនឹងនេះ ស្មាតហ្វូន nubia Z70 Ultra នឹងទទួលបានអេក្រង់ទំហំ ៦,៨៥អ៊ីញ 144Hz ដែលមានកម្រិតបង្ហាញ 1.5K (2,688 x 1,216 pixels) ដង់សុីតេ 430PPI និងកម្រិតពន្លឺ 2000 nits ដែលមានការរចនាគែមខ្លីបំផុតត្រឹមតែ ១,២៥ ម.មម ប៉ុណ្ណោះ គឺលាតពេញផ្ទៃអេក្រង់បាន ៩៥,៣ ភាគរយ។ លើសពីនេះទៅទៀត ស្មាតហ្វូន nubia Z70 Ultra នឹងប្រើប្រាស់នូវប្រព័ន្ធបច្ចេកវិទ្យា Super COP ជាមួយបច្ចេកវិទ្យា SIP ទំនើបបំផុតជាមួយនឹងអេក្រង់របស់ក្រុមហ៊ុន BOE ។

ពាណិជ្ជកម្ម

គួរបញ្ជាក់ថា ស្មាតហ្វូន nubia Z70 Ultra នឹងប្រើប្រាស់នូវមុខងារ AI transparent algorithm 7.0 សម្រាប់កាមេរ៉ាផ្នែកខាងមុខ និងមានការរចនាស៊ុមស្តើងរហូតដល់ ០,៧ មីលីម៉ែត្រ ព្រមទាំងទទួលបាននូវការអាប់ឌែតថ្មីនៅលើផ្នែកកាមេរ៉ា និងថាមពលថ្ម៕

ប្រភពៈ FoneArena