យោងតាមព័ត៌មានថ្មីៗនេះ បាននិយាយថា ក្រុមហ៊ុន Samsung គ្រោងនឹងប្រកាសចេញនូវស្មាតហ្វូនសេរ៊ីថ្មី Galaxy S25 Series របស់ពួកគេនៅក្នុងសប្ដាហ៍ដំបូង ក្នុងខែមករា ឆ្នាំ២០២៥ ខាងមុខនេះ។
ពាណិជ្ជកម្ម
ចំពោះការប្រកាសចេញនូវស្មាតហ្វូន Galaxy S25 Series មុខពេលកំណត់នេះ គឺ Samsung ចង់បញ្ចេញស្មាតហ្វូនធំៗរបស់ខ្លួននៅដើមឆ្នាំ និងពាក់កណ្តាលឆ្នាំ២០២៥ ខាងមុខនេះ។
ក្នុងនោះពួកគេបានបង្ហាញថា Samsung Galaxy S25 Ultra នឹងទទួលបាននូវបន្ទះឈីប Snapdragon 8 Elite ជាមួយប្រព័ន្ធប្រតិបត្តិការ Android 15 នៅលើ One UI 7។ លើសពីនេះទៅទៀត ទូរស័ព្ទដៃនេះ ត្រូវបានរំពឹងថានឹងទទួលបានកាម៉េរ៉ាគោលទំហំ 200MP, លេន Ultra-Wide ទំហំ 50MP, លេន Telephoto ចំនួន២ ទំហំ 10MP 3x និង 50MP 5x ខណៈកាម៉រ៉ាខាងមុខមានទំហំ 12MP។ ចំណែកថាមពលថ្មវិញ អាចនឹងទទួលបានថ្មទំហំ 5000mAh គាំទ្រការសាក 45W ជាមួយការរចនាគែមខ្លីជាងមុន ធំទូលាយជាងមុន ហើយទម្ងន់ក៏អាចស្រាលជាងមុខផងដែរត្រឹមតែ ២១៩ក្រាមប៉ុណ្ណោះ ស្រាលជាង S24 Ultra ចំនួន ១៣ក្រាម។
ទន្ទឹមនឹងនេះ ក្រុមហ៊ុន Samsung គ្រោងនឹងបញ្ជេញនូវស្មាតហ្វូនម៉ូឌែលថ្មីរបស់ពួកគេគឺ Galaxy S25 Slim នៅក្នុងត្រកូល S នៅក្នុងឆមាសទី២ ឆ្នាំ២០២៥ ខាងមុខនេះ ដោយមានការរចនារូបរាងស្ដើងបំផុតក្នុងត្រកូល S25៕