កាលពីពេលថ្មីៗនេះ បើយោងតាមខ្លឹមសាររបស់សារព៌ត័មានបរទេស បាននិយាយថា ក្រុមហ៊ុន Apple នឹងធ្វើការប្រកាសដាក់បង្ហាញចេញ និងលក់ជាផ្លូវការនូវទូរស័ព្ទដៃសេរ៊ីថ្មី iPhone SE 4 ឬ iPhone SE សេរ៊ីឆ្នាំ២០២៥ របស់ពួកគេ នៅក្នុងខែមិនា ឆ្នាំ២០២៥ ខាងមុខនេះ។
សម្រាប់ទូរស័ព្ទដៃ iPhone SE 4 ត្រូវបានរំពឹងថានឹងទទួលបានបន្ទះអេក្រង់ OLED ទំហំ ៦,១ អ៊ីញ របស់ iPhone 13 ដែលមានកម្រិតពន្លឺ 1,200 nits និងកម្រិតបង្ហាញ 2532×1170 pixels ដំណើរការដោយបន្ទះឈីប A18 Six-Core ទំហំ 3nm និងប្រព័ន្ធប្រតិបត្តិការ iOS 18 អាចប្រើប្រាស់សុីមបានចំនួន២ (nano + eSIM) ព្រមទាំងទទួលបានអាវការពារទឹក និងធូលីកម្រិត IP68 ។
ចំណែកផ្នែកកាម៉េរ៉ាវិញ មានបំពាក់ជាមួយសេនស័រកាមេរ៉ាខាងមុខមានទំហំ 12MP (ƒ/1.9) អាចថតវីដេអូបានកម្រិត 4K 60fps ដោយប្រើ HDR ជាមួយ Dolby Vision, Slo‑mo 1080p 120fps និងកាមេរ៉ាគោលខាងក្រោយទំហំ 48MP (f/1.78) ដែលផលិតដោយ LG Innotek ជាមួយរចនាប័ទ្មបែបថ្មីដែលមានម៉ូឌុលកាមេរ៉ាចំនួន១ នៅខាងលើឆ្វេង និង LED flash នៅខាងក្រោម មានមុខងារគ្រប់គ្រងលំនឹង OIS អាចថតវីដេអូបានកម្រិត 4K 60fps ដោយប្រើ HDR ជាមួយ Dolby Vision, Slo‑mo 1080p 240fps, Cinematic Mode 4K HDR 30 fps បូករួមនឹងលេន Telephoto ដែលអាចថតហ្សូមបាន 2x Optical Zoom។
ក្រៅពីនេះទៅទៀត ទូរស័ព្ទដៃ iPhone SE 4 ក៏មានបំពាក់មកជាមួយមុខងារ FaceID, បាសចំនួន ២គ្រាប់ និងគាំទ្រការតភ្ជាប់ 5G, Wi-Fi 7, Bluetooth 5.3 និង NFC ជាដើម។ រីឯផ្នែកថាមពលថ្ម iPhone SE 4 នឹងគាំទ្រការសាក 25W Magsafe charging។