[ទីផ្សារចិន] កាលពីពេលថ្មីៗនេះ ក្រុមហ៊ុនផលិតរថយន្ត GAC បានធ្វើការប្រកាសចេញចេញលក់ជាផ្លូវការនូវរថយន្ត MPV GAC Trumpchi E9 ស៊េរីថ្មីចុងក្រោយ ប្រភេទ Plug-in hybrid ជាមួយតម្លៃលក់ចាប់ពី ៤៤ ៦៥០ ដុល្លារ ដល់ ៥៤ ៣០០ ដុល្លារ នៅក្នុងទីផ្សារប្រទេសចិន។
GAC Trumpchi E9 ស៊េរីថ្មីចុងក្រោយ ដំណើរការដោយប្រព័ន្ធ Plug-in hybrid ធ្វើការជាមួយម៉ាស៊ីនសាំងចំណុះ ២,០ លីត្រ អាចផលិតកម្លាំងបាន ១៨៧ សេះ និងកម្លាំងរមួល ៣៣០ ញ៉ូតុនម៉ែត្រ និងម៉ូទ័រអគ្គិសនីចំនួន ១ អាចផលិតកម្លាំងបាន ១៧៩ សេះ និងកម្លាំងរមួល ៣០០ ញ៉ូតុនម៉ែត្រ ផ្គួបជាមួយអាគុយទំហំ ២៥,៥ គីឡូវ៉ាត់ម៉ោង អាចបើកបរបានចម្ងាយ ១៣៦គីឡូម៉ែត្រ ដោយប្រើប្រាស់អគ្គិសនីសុទ្ធ និងគាំទ្រដោយការសាកថ្មល្បឿន 4C ដោយសាកត្រឹមតែ ៨នាទី ប៉ុណ្ណោះ គឺអាចទទួលថាមពល ៨០ភាគរយ និងមានភ្ជាប់មកជាមួយប្រអប់លេខ DHT ចំនួន ២វគ្គ។
ចំពោះនៅផ្នែកខាងក្នុងភ្ជាប់មកជាមួយកុងទ័របង្ហាញព័ត៌មានឌីជីថលទំហំ ១២,៣ អ៊ីញ និងអេក្រង់កំសាន្ត touchscreen ទំហំ ១៤,៦ អ៊ីញ និង ១២,៣ អ៊ីញ ក៏ដូចជាកៅអីចុចចំនួន ១៦ចំនុច កន្លែងសាកថ្មឥតប្រើខ្សែ និងប្រព័ន្ធ ADAS ជាច្រើនទៀតផងដែរ៕