កាលពីពេលថ្មីៗនេះ ក្រុមហ៊ុនផលិតស្មាតហ្វូន Realme បានធ្វើការដាក់បង្ហាញចេញជាផ្លូវការនូវស្មាតហ្វូនសេរ៊ីថ្មី Realme GT 7 Pro ជាមួយតម្លៃលក់ចាប់ពី ៥២០ ដុល្លារ ដល់ ៦០០ ដុល្លារ នៅក្នុងទីផ្សារប្រទេសចិន។
ស្មាតហ្វូន realme GT 7 Pro ទទួលបានអេក្រង់ 8T LTPO Eco² OLED Plus display ទំហំ ៦,៧៨អ៊ីញ 120Hz មានកម្រិតបង្ហាញ 1.5K (2780×1264 pixels) និងកម្រិតពន្លឺ 6,000 nits ដំណើរការដោយបន្ទះឈីប Snapdragon 8 Elite ទំហំ 3nm ជាមួយប្រព័ន្ធប្រតិបត្តិការ Android 15 នៅលើ realme UI 6.0 និងទទួលបាន RAM 12GB / 16GB និងអង្គផ្ទុក 256GB / 512GB / 1TB ព្រមទាំងប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
បើនិយាយពីផ្នែកកាមេរ៉ា មានបំពាក់នូវកាមេរ៉ាគោលទំហំ 50MP ដែលអាចប្រើបានជាមួយមុខងារ OIS បូករួមជាមួយលេន ultra-wide 8MP និងលេន periscope telephoto ទំហំ 50MP គាំទ្រការថត 3x periscope និង 120x hybrid zoom ចំណែកកាមេរ៉ា selfie មានទំហំ 16MP។
ចំណែកថាមពលថ្ម realme GT 7 Pro ទទួលបានកញ្ជប់ថ្មទំហំ 6,500mAh គាំទ្រការសាកល្បឿនលឿន 120W អាចសាកឡើងបាន ៥០ភាគរយ ដោយចំណាយពេលត្រឹមតែ ១៤នាទី ប៉ុណ្ណោះ និងគាំទ្រការតភ្ជាប់ដូចជា 4G VoLTE, 5G, Wi-Fi 7, Bluetooth 5.4 និងទទួលបានរន្ធ USB Type-C audio, Stereo speakers, Hi-Res audio និងអាវការពារទឹក និងធូលីកម្រិត IP68+IP69 ជាដើម។
ពាណិជ្ជកម្ម
ចំពោះការរចនារបស់ស្មាតហ្វូន realme GT 7 Pro មានកម្រាស់ ៨,៥៥ ម.ម និងទម្ងន់ ២២៣ ដែលផ្នែកខាងក្រោយមានការរចនាជាមួយស៊ុមអាលុយមីញ៉ូម និងទទួលបានជម្រើសពណ៌ Mars Orange, Star Trail Titanium និងពណ៌ស ខណៈកញ្ចក់ជាប្រភេទ Corning Gorilla Glass Victus 2។