កាលពីពេលថ្មីៗនេះ ក្រុមហ៊ុន Xiaomi បានប្រកាសដាក់បង្ហាញចេញជាផ្លូវការនូវនាឡិកាដៃឆ្លាតវៃ Xiaomi Watch S4 ជាមួយតម្លៃលក់ចាប់ពី ១០៩ ដុល្លារ សម្រាប់ Bluetooth version និងចាប់ពី ១៣៦ ដុល្លារ សម្រាប់ e-SIM version ក្នុងទីផ្សារប្រទេសចិន។
នាឡិកាដៃឆ្លាតវៃ Xiaomi Watch S4 ទទួលបានអេក្រង់ AMOLED ទំហំ ១,៤៣អ៊ីញ មានកម្រិតបង្ហាញ (466 x 466 pixels) និងកម្រិតពន្លឺ 2,200 nits ដំណើរដោយប្រព័ន្ធប្រតិបត្តិការ Xiaomi HyperOS 2 ។ លើសពីនេះទៅទៀត នាឡិកាដៃ Xiaomi Watch S4 មានភ្ជាប់មកជាមួយអាវការពារទឹក 5ATM, កញ្ជប់ថ្មទំហំ 486mA អាចប្រើប្រាស់បានរយៈពេល ១៥ថ្ងៃ និងគាំទ្រការតភ្ជាប់ eSIM, 4G / 3G, 2.4GHz/5GHz Wi-Fi, Bluetooth 5.2 និង GPS។
ចំពោះការរចនារបស់នាឡិកាដៃ Xiaomi Watch S4 មានកម្រាស់ ១២ ម.ម និងទម្ងន់ ៤៤,៥ ក្រាម ដែលតួខ្លួនរបស់នាឡិកានេះត្រូវបានផលិតឡើងពីលោហធាតុអាលុយមីញ៉ូម និងទទួលបានជម្រើសពណ៌ ខ្មៅ ប្រាក់ ឥន្ទធនូ និងពណ៌ត្នោត ក៏ដូចជាជម្រើសខ្សែស្បែក និងខ្សែជ័រស៊ីលីកូន។
ពាណិជ្ជកម្ម
ក្នុងនោះ នាឡិកាដៃ Xiaomi Watch S4 គាំទ្រមុខងារកីឡាច្រើនជាង ១៥០ មុខងារ និងគាំទ្រការតាមដានសុខភាពជាច្រើនមុខងាររួមមាន មុខងារតាមដានសកម្មភាពប្រចាំថ្ងៃ, សុខភាពស្ត្រី, ត្រួតពិនិត្យចង្វាក់បេះដូង, មុខងារតាមដានការគេង មុខងារតាមដានសីតុណ្ហភាពរាងកាយ រួមទាំងមុខងារចាប់សញ្ញាអត្រាបេះដូង (រួមទាំងអុកស៊ីសែនក្នុងឈាម) និងមុខងារជាច្រើនទៀតផងដែរ៕