ចេញហើយ! Xiaomi 15 និង 15 Pro ទូរស័ព្ទដៃសេរ៊ីថ្មី តម្លៃក្រោម ១ពាន់ដុល្លារ ប្រើឈីប Snapdragon 8 Elite

កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ Xiaomi បានប្រកាសដាក់បង្ហាញចេញជាផ្លូវការនូវទូរស័ព្ទដៃសេរ៊ីថ្មី Xiaomi 15 និង 15 Pro ជាមួយតម្លៃលក់ចាប់ពី ៦៣០ ដុល្លារ ដល់ ៨៤០ ដុល្លារ សម្រាប់ Xiaomi 15 និងចាប់ពី ៧៤០ ដុល្លារ ដល់ ៩១០ ដុល្លារ សម្រាប់ 15 Pro ក្នុងទីផ្សារប្រទេសចិន។

ពាណិជ្ជកម្ម

សម្រាប់ផ្នែកកាមេរ៉ាវិញ ទូរស័ព្ទដៃ Xiaomi 15 ទទួលបានកាម៉េរ៉ាគោលខាងក្រោយទំហំ 50MP ជំនួយដោយមុខងារគ្រប់គ្រងលំនឹង Hyper OIS បូករួមជាមួយលេន Ultra-Wide ទំហំ 50MP និងលេន Telephoto ទំហំ 50MP 2.6X ទំហំ 10cm ជំនួយដោយមុខងារគ្រប់គ្រងលំនឹង OIS អាចថតវីដេអូបានកម្រិត 8K ខណៈកាមេរ៉ាផ្នែកខាងមុខមានទំហំ 32MP អាចថតវីដេអូបានកម្រិត 4K 60 fps។ ចំណែក Xiaomi 15 Pro វិញ ទទួលបានកាម៉េរ៉ាគោលខាងក្រោយទំហំ 50MP ជំនួយដោយមុខងារគ្រប់គ្រងលំនឹង Hyper OIS បូករួមជាមួយលេន Ultra-Wide ទំហំ 50MP, 5cm super macro, 30cm telemacro និងលេន Telephoto ទំហំ 50MP 5X ជំនួយដោយមុខងារគ្រប់គ្រងលំនឹង OIS អាចថតវីដេអូបានកម្រិត 8K ខណៈកាមេរ៉ាផ្នែកខាងមុខមានទំហំ 32MP អាចថតវីដេអូបានកម្រិត 4K 60 fps។

ចំណែកផ្នែកថាមពលថ្ម ទូរស័ព្ទដៃ Xiaomi 15 ទទួលបានកញ្ជប់ថ្មទំហំ 5,400mAh គាំទ្រការសាកតាមខ្សែ 90W និងឥតខ្សែ 50W ចំណែក 15 Pro វិញ ទទួលបានកញ្ជប់ថ្មទំហំ 6,100mAh គាំទ្រការសាកតាមខ្សែ 90W និងឥតខ្សែ 50W។ លើសពីនេះទៅទៀត ទូរស័ព្ទនេះ មានបំពាក់ជាមួយអាវការពារធូលី និងទឹក IP68 និងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.4, GPS, USB Type-C 3.2 Gen 1, NFC និងទទួលបានរន្ធ USB Type-C audio, Hi-Res audio, Stereo speakers, Dolby Atmos និង 4-microphone array។

ចំពោះការរចនារបស់ទូរស័ព្ទដៃ Xiaomi 15 មានកម្រាស់ ៨,០៨ ម.ម និងទម្ងន់ ១៨១ ក្រាម និងទទួលបានជម្រើសពណ៌ចំនួន៥ រួមមាន Black, White, Asakusa Green, Lilac និង Bright Silver ចំណែក 14T Pro វិញមានកម្រាស់ ៨,៣៥ ម.ម (Standard), ៨,៧៣ ម.ម (Silver) និងទម្ងន់ ២១៣ ក្រាម (Standard), ២១៩ ក្រាម (Silver) និងទទួលបានជម្រើសពណ៌ចំនួន៤ រួមមាន Rock ash, White, Spruce Green និង Bright Silver ៕

ប្រភពៈ FoneArena