កាលពីពេលថ្មីៗនេះ ក្រុមហ៊ុន Samsung បានធ្វើការដាក់បង្ហាញចេញជាផ្លូវការនូវទូរស័ព្ទដៃសេរ៊ីថ្មី Samsung Galaxy A16 5G ជាមួយតម្លៃលក់ចាប់ពី ២៧៣ ដុល្លារ ក្នុងទីផ្សារតំបន់អឺរ៉ុប។
ទូរស័ព្ទដៃ Samsung Galaxy A16 5G ទទួលបានបន្ទះអេក្រង់ Super AMOLED ទំហំ ៦,៧ អ៊ីញ 90Hz មានកម្រិតបង្ហាញ FHD+ (1080×2340 pixels) ដំណើរការដោយបន្ទះឈីប Samsung Exynos 1330 ទំហំ 5nm និងប្រព័ន្ធប្រតិបត្តិការ Android 14 នៅលើ One UI 6.0 អាចប្រើប្រាស់សុីមបានចំនួន២ (nano + nano / microSD) ព្រមទាំងទទួលបាន RAM 4GB និងអង្គផ្ទុក 128GB និងអាចស្កេនម្រាមដៃនៅផ្នែកចំហៀងបាន។
ចំណែកផ្នែកកាម៉េរ៉ាវិញ មានបំពាក់ជាមួយសេនស័រកាមេរ៉ាខាងមុខមានទំហំ 13MP (F2.0) និងកាមេរ៉ាគោលខាងក្រោយទំហំ 50MP (F1.8) បូករួមទាំងលេនថតមុំទូលាយ Ultra-wide ទំហំ 5MP និងលេន Macro ទំហំ 2MP។ ក្រៅពីនេះទៅទៀត ទូរស័ព្ទដៃ Samsung Galaxy A16 5G ក៏មានបំពាក់មកជាមួយអាវការពារទឹក និងធូលីកម្រិត IP54 និងគាំទ្រការតភ្ជាប់ 5G, 4G VoLTE, Wi-Fi, Bluetooth 5.3 និង GPS ជាដើម។ រីឯផ្នែកថាមពលថ្ម Galaxy A16 5G ទទួលបានថ្មទំហំ ៥,០00mAh គាំទ្រការសាក 25W តាមខ្សែ។
