ថ្មីៗនេះ ក្រុមហ៊ុន Honor បានធ្វើការប្រកាសដាក់បង្ហាញចេញលក់ជាផ្លូវការនូវថេបប្លេត HONOR Pad X8a ជាមួយតម្លៃលក់ចាប់ពី ១៥៦ ដុល្លារ ក្នុងទីផ្សារប្រទេសឥណ្ឌា ជាមួយជម្រើសពណ៌តួខ្លួនពណ៌ប្រផេះ។
ពាណិជ្ជកម្ម
ថេបប្លេតសេរ៊ីថ្មីនេះ បំពាក់ដោយអេក្រង់ FHD TFT LCD ទំហំ ១១ អ៊ីញ 90Hz មានកម្រិតពន្លឺ 400nits និងកម្រិតបង្ហាញ 1920 x 1200 pixels ដំណើរការដោយបន្ទះឈីប Qualcomm Snapdragon 680 និងប្រព័ន្ធប្រតិបត្តិការ Android 14 នៅលើ MagicOS 8.0 ព្រមទាំងទទួលបាន RAM 4GB និងអង្គផ្ទុក 128GB អាចបន្ថែមដល់ 1TB តាម microSD។
សម្រាប់ថេបប្លេត HONOR Pad X8a មានកម្រាស់ ៧,២៥ ម.ម និងទម្ងន់ ៤៩៥ ក្រាម ។ ចំពោះផ្នែកកាម៉េរ៉ាថេបប្លេត HONOR Pad X8a ទទួលបានកាម៉េរ៉ាគោលខាងក្រោយ 5MP និងកាម៉េរ៉ាខាងមុខទំហំ 5MP ។ លើសពីនេះទៅទៀត វាទទួលបានថាមពលថ្ម 8300mAh និងគាំទ្រការតភ្ជាប់ Wi-Fi 5 និង Bluetooth 5.1។