កាលពីពេលថ្មីៗនេះ ក្រុមហ៊ុន Red Magic បានប្រកាសដាក់បង្ហាញចេញជាផ្លូវការនូវ Gaming Tablet សេរ៊ីថ្មីរបស់ខ្លួនគឺ Red Magic Nova ក្នុងទីផ្សារប្រទេសចិន ជាមួយតម្លៃលក់ចាប់ពី ៥៦៥ ដុល្លារ ដល់ ៧៩០ ដុល្លារ។
ថេបប្លេត Red Magic Nova បំពាក់ដោយអេក្រង់ LCD ទំហំ ១០,៩ អ៊ីញ 144 Hz មានកម្រិតបង្ហាញ 2,880 x 1,800 pixels។ ថេបប្លេតនេះ ដំណើរការដោយបន្ទះឈីប Snapdragon 8 Gen 3 ព្រមទាំងទទួលបាន RAM 12GB| 16GB | 24GB និងអង្គផ្ទុកទិន្នន័យ 256GB | 512GB | 1TB ។
លើសពីនេះទៅទៀត ថេបប្លេត Red Magic Nova មានបំពាក់ដោយកាម៉េរ៉ាគោលខាងក្រោយទំហំ 50MP និងកាម៉េរ៉ាខាងមុខទំហំ 20MP។ ចំពោះផ្នែកថាមពលថ្មវិញ ថេបប្លេត Red Magic Nova ទទួលបានថាមពលថ្មទំហំ 10,100 mAh គាំទ្រការសាកថ្មល្បឿនលឿន 120W អាចសាកបាន ៥០ភាគរយ ចំណាយពេលខ្ទង់ ១៥នាទី និងមួយពេញចំណាយពេលខ្ទង់ ៤៥នាទី។
គួរឲដឹងថា ថេបប្លេត Red Magic Nova មានបំពាក់មកជាមួយប្រព័ន្ធបាសសម្លេង ៤គ្រាប់, ម៉ូទ័រ x-axis, កង្ហារ និងបច្ចេកវិទ្យាបន្សាបកំដៅ ដើម្បីឲការលេងហ្គេម Peace Elite, Asphalt 9, PUBG Mobile និង Knives Out មានភាពរលូនល្អ៕