កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ Vivo បានប្រកាសដាក់បង្ហាញចេញជាផ្លូវការនូវទូរស័ព្ទដៃ Vivo Y300 Pro 5G ក្នុងទីផ្សារប្រទេសចិន ជាមួយតម្លៃលក់ចាប់ពី ២៥៣ ដុល្លារ ដល់ ៣៥២ ដុល្លារ។
ទូរស័ព្ទដៃ Vivo Y300 Pro ទទួលបានអេក្រង់ 3D AMOLED ទំហំ ៦,៧៧ អ៊ីញ 120Hz មានកម្រិតពន្លឺ 5,000 nits និងកម្រិតបង្ហាញ 2392 x 1080 pixels ដំណើរការដោយបន្ទះឈីប Snapdragon 6 Gen 1 4nm ជាមួយ Adreno 710 GPU និងប្រព័ន្ធប្រតិបត្តិការ Android 14 នៅលើ OriginOS 14 ព្រមទាំងទទួលបាន 8GB / 12GB អង្គផ្ទុក 128GB / 256GB / 512GB និងអាចស្កេនម្រាមដៃនៅលើអេក្រង់បាន។ លើសពីនេះទៅទៀត ទូរស័ព្ទដៃ Vivo Y300 Pro មានភ្ជាប់មកជាមួយមុខងារការពារភ្នែក ដោយទទួលបានវិញ្ញាបនប័ត្រការពារភ្នែកពី SGS, អាវការពារទឹក និងធូលី IP65 និងគាំត្រការតភ្ជាប់ 5G, 4G VoLTE, Wi-Fi 6 , Bluetooth 5.1, GPS និង USB Type-C។
សម្រាប់កាមេរ៉ាគោលខាងក្រោយរបស់ទូរស័ព្ទដៃ Vivo Y300 Pro មានទំហំ 50MP ខណៈដែលកាមេរ៉ាមុខមានទំហំ 32MP ។ ចំណែកផ្នែកថាមពលវិញ វាទទួលបានថាមពលថ្ម 6,500mAh គាំទ្រការសាកល្បឿនលឿន 80W អាចលេងហ្គេមបានរហូតដល់ ១២ ម៉ោង នៅពេលសាកថ្មពេញម្តង។
ចំពោះការរចនារបស់ទូរស័ព្ទដៃ Vivo T3 Pro មានសភាពស្តើងដែលមានកម្រាស់ត្រឹមតែ ៧,៦៩ មីលីម៉ែត្រ និងទម្ងន់ ១៩៣,៦ ក្រាម ប៉ុណ្ណោះ និងទទួលបាននូវជម្រើសពណ៌ចំនួន៤ រួមមានពណ៌ Titanium ពណ៌មាស ពណ៌ស និងពណ៌ខ្មៅ៕