[ក្នុងស្រុក] កាលពីពេលថ្មីៗនេះ នៅក្នុងថ្ងៃទី១៨ ខែសីហា ឆ្នាំ២០២៤ ក្រុមហ៊ុន ZO MOTORS (CAMBODIA) CO.,LTD ដែលជាក្រុមហ៊ុនមួយដ៏ល្បីល្បាញខាងផ្នែកដំឡើង និងផលិតយានយន្ត ជាពិសេសម៉ូតូ និងម៉ូតូកង់បី បានធ្វើការបើកពីធីសាងសង់រោងចក្រដំឡើងរថយន្តរបស់ខ្លួនក្នុងនាមជារោងចក្រដំឡើងរថយន្តអគ្គីសនីប្រភេទដឹកទំនិញក្នុងខេត្តពោធិ៍សាត់ ។
សម្រាប់ពិធីនេះ បានធ្វើឡើងក្រោមអធិបតីភាព ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តពោធិ៍សាត់។
ពាណិជ្ជកម្ម
សម្រាប់រោងចក្រដំឡើងរថយន្តអគ្គីសនីប្រភេទដឹកទំនិញនេះ ត្រូវបានសាងសង់នៅលើផ្ទៃដីទំហំ ១០ហិចតា មានទីតាំងស្ថិតនៅក្នុងតំបន់សេដ្ឋកិច្ចពិសេសក្រគរ ស្រុកក្រគរ ខេត្តពោធិ៍សាត់។
គួរឲដឹងថា នៅពេលរោងចក្រនេះត្រូវបានបញ្ចប់ការសាងសង់រួចរាល់ជាស្ថាពរនឹងផ្តល់នូវគុណសម្បត្តិដូចជា៖
- ផ្តល់ជូនការងារដល់ប្រជាពលរដ្ឋចំនួន ៥០០នាក់
- មានសមត្ថភាពផលិតរថយន្តដឹកទំនិញចំនួន ១មុឺនគ្រឿងក្នុងមួយឆ្នាំ សម្រាប់ផ្គត់ផ្គង់ក្នុងស្រុក និងនាំចេញទៅកាន់ទីផ្សារនៃប្រទេសអាស៊ាន ៕
