កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ OPPO បានធ្វើការដាក់បង្ហាញចេញលក់ជាផ្លូវការនូវស្មាតហ្វូនលំដាប់ថវិកា OPPO A3 5G ក្នុងទីផ្សារប្រទេសឥណ្ឌា ជាមួយតម្លៃលក់ចាប់ពី ១៩៥ ដុល្លារ។
ទូរស័ព្ទដៃ OPPO A3 បំពាក់ដោយបន្ទះអេក្រង់ LCD ទំហំ ៦,៦៧ អ៊ីញ 120Hz HD+ មានកម្រិតពន្លឺ 1០00nits កម្រិតបង្ហាញ 604 × 720 pixels និងដង់សុីតេ ២៦៤ PPI ។ ទូរស័ព្ទដៃនេះ ដំណើរការដោយបន្ទះឈីប MediaTek Dimensity 6300 SoC | Mali-G57 GPU និងប្រព័ន្ធប្រតិបត្តិការ Android 14 នៅលើ ColorOS 14 ។ លើសពីនេះ វាក៏ទទួលបានជម្រើស RAM ៦ GB និង Storage ១២៨ GB។ ចំណែកថាមពលថ្មវិញមានទំហំ ៥ ១០០ mAh គាំទ្រការសាកល្បឿនលឿន ៤៥វ៉ាត់ និងគាំទ្រមុខងារស្កេនមុខដោះសោរ និងស្កេនម្រាមដៃនៅផ្នែកចំហៀង។
ចំពោះសេនស័រកាមេរ៉ាខាងមុខបំពាក់ដោយលេនទម្លុះអេក្រង់ទំហំ ៥ MP និងកាមេរ៉ាខាងក្រោយចំនួន ២ គ្រាប់រួមមាន លេនគោល ៥០ MP និងកាម៉េរ៉ា Portrait ទំហំ ២ MP ។
សម្រាប់តួខ្លួនវិញ ទទួលបានពណ៌ចំនួន២ រួមមាន Ocean Blue និង Nebula Red មិនត្រឹមតែប៉ុណ្ណោះ ស្មាតហ្វូននេះ មានកម្រាស់ត្រឹមតែ ៧,៧ មីលីម៉ែត្រ និងទម្ងន់ ១៨៧ ក្រាម ប៉ុណ្ណោះ ព្រមទាំងភ្ជាប់មកជាមួយមុខងារការពារការប៉ះបែក អាវការពារធូលីនិងទឹក ក៏ដូចជាប្រព័ន្ធ WiFi 5 , Bluetooth 5.3, GPS, USB Type C និងរន្ធដោតកាស ៣,៥ ម.ម ជាដើម៕