[បរទេស] កាលពីពេលថ្មីៗនេះ ក្រុមហ៊ុន Samsung បានធ្វើការដាក់បង្ហាញចេញនូវស្មាតហ្វូន Samsung Galaxy S24 FE ហើយគ្រោងនឹងចេញលក់ជាផ្លូវការនៅក្នុងខែតុលានេះ ជាមួយតម្លៃលក់ក្រោម ១ ០០០ ដុល្លារ (អាស្រ័យតាមជម្រើស)។
ពាណិជ្ជកម្ម
ស្មាតហ្វូន Samsung Galaxy S24 FE ទទួលបានបន្ទះអេក្រង់ ៦,៧ អ៊ីញ ប្រភេទ AMOLED 120Hz មានកម្រិតពន្លឺ ១ ៩០០ nits អាចស្កេនក្រយ៉ៅដៃលើអេក្រង់បាន។ ស្មាតហ្វូននេះ ដំណើរការដោយបន្ទះឈីប Samsung Exynos 2400e 4nm ជាមួយ Samsung Xclipse 940 GPU និងប្រព័ន្ធប្រតិបត្តិការ Android 14 នៅលើ One UI 6.1.1 ភ្ជាប់ជាមួយថាមពលថ្ម ៤ ៥៦៥ mAh គាំទ្រការសាកល្បឿនលឿន ២៥ វ៉ាត់ សុីម ២ ចេញពីប្រអប់ ព្រមទាំងទទួលបានអង្គផ្ទុក ១២ GB និងអង្គចងចាំ ១២៨ GB ដល់ ២៥៦ GB ។
ចំណែកផ្នែកកាម៉េរ៉ាវិញ មានបំពាក់ជាមួយសេនស័រកាមេរ៉ាខាងមុខមានទំហំ ១០ MP និងមានកាមេរ៉ាខាងក្រោយចំនួន ៣ គ្រាប់ រួមមាន លេនគោល 50MP OIS បូករួមទាំងលេនថតមុំទូលាយ Ultra-wide ទំហំ ១២ MP និងកាម៉េរ៉ា Telephoto ទំហំ ៨ MP 3x Optical Zoom។ ក្រៅពីនេះទៀតក៏មានមុខងារ AI ក៏ដូចជា អាវការពារទឹក និងធូលី IP68 | មុខងារការពារកញ្ជក់ | រន្ធ USB Type-C | Wi-Fi 6E 802.11ax | Bluetooth 5.3 និងជម្រើសពណ៌ចំនួន ៦ រួមមាន ខៀវ ប្រាក់ ស បៃតង និងលឿង៕